69 տարեկան հասակում մահացել է արհեստական սիրտ ունեցող երկրորդ մարդը

69 տարեկան մարդը, որը երկրորդն է, ով արհեստական սիրտ ստացավ, մահացել է Ֆրանսիայում արյան շրջանառության անբավարարությունից:

Տղամարդը մահացել է մայիսի 2-ին, սակայն նրա մահվան մասին լուրը հայտն ի է դարձել մայիսի 4-ին: Մահվան նախօրեին տղամարդը հոսպիտալացվել է Նանտ քաղաքի հիվանդանոց:

«Այս պահին Carmat ընկերությունը (որը արհեստական սրտեր է արտադրում), զբաղվում է պրոտեզի ուսումնասիրմամբ՝ հիվանդի մահվան պատճառը պարզելու եւ արհեստական սրտի մյուս սեփականատիրոջ ավտանգությունը ապահովելու համար», - նշվում է ընկերության հայտարարության մեջ:

Արհեստական սրտի փոխպատվաստման առաջին վիրահատությունն իրականացվել է 2013 թվականի դեկտեմբերին, սակայն 76-ամյա տղամարդը, որին փոխպատվաստվել էր սիրտը, մահացել է 2.5 ժամ անց:

2014 թվականի ամռանը 900 գրամ քաշով սիրտը փոխպատվաստվել էր 68-ամյա մի հիվանդի: Կես տարի անց տղամարդը կարողացավ վերադառնալ նորմալ կյանքի եւ նույնիսկ հեծանիվ քշել:

2015-ի ապրիլին հայտնի դարձավ արհեստական սրտի փոխպատվաստման երրորդ հաջող վիրահատության մասին:

Հետևեք NEWS.am Medicine-ին Facebook-ում և Twitter-ում