Տանը որեւէ կենդանի՝ շուն կամ կատու պահելը դրական շատ կողմեր ունի՝ օգնելով ազատվել սթրեսից: Դրա հետ մեկտեղ, սակայն, կան հիվանդություններ, որոնցով կարելի է վարակվել չորքոտանի ընկերներից: Նշենք, որ այս հիվանդությունները կարելի է կանխարգելել պատվաստման, ինչպես նաեւ կենդանու ճիշտ խնամքի միջոցով:
Տոկսոպլազմոզ
Այս հիվանդության հարուցիչն է Toxoplasma gondii-ն՝ աշխարհում ամենատարածված մակաբույծներից մեկը: Ուժեղ իմունիտետով մարդը կարող է եւ չզգալ վարակումը, սակայն թույլ իմունիտետով մարդկանց, հղի կանանց եւ փոքր երեխաների դեպքում հիվանդությունը շատ վտանգավոր է: Հայտնվելով հղի կնոջ օրգանիզմում՝ այն կարող է լուրջ վնաս հասցնել պտղին, ինչից հետո երեխայի մոտ հնարավոր են դեֆեկտներ:
Սալմոնելա
Այս հիվանդությունը ախտահարում է աղեստամոքսային համակարգը: Ինքը կենդանին, որը վարակված է այս բակտերիայով, կարող է եւ հիվանդության ախտանիշներ չունենալ, սակայն մարդու օրգանիզմում հայտնված այս բակտերիան փորլուծություն, սրտխառնոց, բարձր ջերմություն, ինչպես նաեւ մի շարք այլ ախտանիշներ է առաջացնում:
Որքին
Այս հիվանդությամբ հիմնականում վարակվում են կատուներից եւ շներից: Հիվանդության պատճառը սնկի տեսակն է, որի պատճառով մաշկի վրա կարմիր բծեր են ի հայտ գալիս: Հիվանդությունը շատ վարակիչ է եւ վարակվելու համար հերիք է ընդամենը շոյել հիվանդ կենդանուն կամ դիպչել նրա վերքերին:
Որքինը բուժում է համապատասխան քսուկի միջոցով, սակայն նախընտրելի է, որ այն նշանակի բժիշկը:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր