Պլաստիկ վիրաբույժ Կարեն Դանիելյանն, այսօր, օգոստոսի 15–ին լրագրողներին ներկայացրեց պլաստիկ վիրաբուժության նոր միտումները։ Բժիշկն առանձնացրեց ճարպի տրասպլանտացիան, որը նրա խոսքով մեծ թափ է ստացել եւ զարգացում է ապրում։
«Ամենանոր տենդենցներից է ճարպի տրանսպլանտացիան։ Քանի որ ճարպը պարունակում է մեծ քանակով ցողունային բջիջներ այն հիմանականում տեղափոխում են մարմնի մի մասից դեմքի վրա՝ կնճիռների հարթեցման համար։ Ինչպես նաեւ ճարպի միջոցով մեծացնում են կրծքերն ու հետույքը», -ասաց բժիշկը, հավելելով, որ զարգացում են ապրում նաեւ երիտասարդացման ոչ վիրահատական մեթոդները։
«Գնալով զարգացում են ապրում նաեւ երիտասարդացման ոչ վիրահատական մեթոդները։ Դա իրենից ներկայացնում է ընդամենը ներարակում։ Եվ եթե այլ վիրահատական միջամտություններց հետո մարդը որոշակի ժամանակով կտրվում է ակտիվ կյանքից, ապա այս դեպքում նման բան չկա, չնայած արդյունքն էլ այդքան երկարատեւ չի կարող մնալ», -ասաց Կարեն Դանիելյանը։
Անդրադառնալով սիլիկոնե իմպլանտների վերաբերյալ տարածված այն տեղեկատվությանը, որ սրանք կարող են ուռուցք առաջացնել, բժիշկը նշեց, որ դա թյուր տեղեկատվություն է եւ նման բան չի կարող լինել։
«Իմպլանտները չեն առաջացնում ուռուցք, դա թյուր տեղեկատվություն է։ Այն պարզապես օտար մարմին է եւ կարող է լինել օրգանիզմ, որ այն չնդունի», – ասաց նա։
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր