ՀՀ առողջապահության նախարարության պատվիրակությունը մասնակցում է հոկտեմբերի 5-7-ը Նյու Դելիում անցկացվող «Հնդկաստանի առողջապահության առավելությունները-2015» խորագրով միջազգային համագումարին: Այս մասին NEWS.am Medicine–ին հայտնեցին ՀՀ ԱՆ մամուլի ծառայությունից։
Լայնածավալ միջոցառումը համախմբել է աշխարհի 65 երկրի շուրջ 600 մասնակցի, որոնք ծանոթանում են Հնդկաստանի առողջապահական համակարգին, այցելում բժշկական կազմակերպություններ, հանդես գալիս զեկուցումներով:
Կլոր սեղանների ընթացքում պատվիրակներին կներկայացվի երկրի բժշկագիտական փորձը, ծառացած մարտահրավերն ու առաջիկա ծրագրերը:
«Հնդկաստանի առողջապահության առավելությունները-2015» համագումարը կանդրադառնա նաեւ Հնդկաստանում լայն տարածում ունեցող ոչ ավանդական բժշկությանը:
Նշենք, որ Հնդկաստանում լայն թափով զարգանում է բժշկական տուրիզմը, ինչպես նաեւ մեծ հաջողություններ են գրանցվում դեղերի ոլորտում:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր