Որոշ մթերքներ դրականորեն են ազդում լիբիդոյի վրա, մյուսները` ընդհակառակը, վերացնում են սեքսով զբաղվելու ցանկությունը: Ձեր ուշադրությանն ենք ներկայացնում մի քանի մթերք, որոնք ցանկալի չէ ուտել Վալենտինի օրը եւ նույնիսկ նախօրեին, որովհետեւ դրանք ամենաիսկական հակաաֆրոդիզիակներ են համարվում:
1. Լոբի
Լոբին շատ օգտակար է եւ շատ բջջանյութ եւ հակաօքսիդանտներ է պարունակում, սակայն միաժամանակ նպաստում է աղիքներում մեծ գազարտադրությանը, այդ պատճառով սիրո գիշերից առաջ ցանկալի է չուտել այն. գազերով լի ստամոքսը եւ աղիքները կսպանեն սեր անելու ցանկությունը, ինչպես նաեւ բացասաբար կազդեն սեքսի որակի վրա, եթե Դուք համենայն դեպս հասնեք մինչեւ անկողին:
2. Շոկոլադ
Շոկոլադն անանդամիդ եւ ֆենիլէթիլամին է պարունակում` նյութեր, որոնք նպաստում են էնդորֆինների` երջանկության հորմոնների սինթեզին: Շատերը շոկոլադը աֆրոդիզիակ են համարում, սակայն իրականում այն կարող է մարդուն թոշնած եւ հոգնած դարձնել, իսկ նրա մաշկը` հպումների հանդեպ չափազանց զգայուն:
3. Ձուկ
Ծովամթերքը մի կողմից օգտակար է առողջությանը, մյուս կողմից կարող է քիմիկատներ պարունակել (օրինակ` ԱՄՆ-ում արգելված պոլիքլորացված բիֆենիլներ), որոնք ոչ միայն մեծացնում են քաղցկեղի զարգացման վտանգը, այլեւ նվազեցնում են կանանց լիբիդոն:
4. Տապակած սնունդ
Տապակած յուղալի սննդամթերքը տրանսճարպեր է պարունակում, որոնք բացասաբար են ազդում ինչպես կանանց, այնպես էլ տղամարդկանց լիբիդոյի վրա: Ավելին, տրանսճարպերը մեծացնում են տղամարդկանց սպերմատոզոիդների արատավոր ձեւերի թիվը: Շատ գիտնականներ խորհուրդ են տալիս սեքսից առաջ տապակած սնունդ, հատկապես ֆրի կարտոֆիլ չուտել:
5. Ադի-բուդի
Ադի-բուդին հաճախ նվազեցնում է տղամարդկանց լիբիդոն եւ իր պարունակած քիմիկատների պատճառով վատացնում է սերմնահեղուկի որակը: Այդ պատճառով եթե կարելի է այն ուտել ֆիլմ դիտելիս, Վալենտինի օրն ավելի լավ է զգուշանալ դրանից:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր