Բանգլադեշի Մագուրա քաղաքում լույս աշխարհ է եկել մի երեխա, որի մարմինը ծածկված է բազմաթիվ կնճիռներով, աչքերը ներս ընկած են, իսկ մարմնին՝ խիտ մազածածկույթ։
Բժիշկները կարծում են, որ երեխայի մոտ Հաթչինսոն -Գիլֆորդի պրոգերիայի համախտանիշ է՝ հազվագյուտ հիվանդություն, որը ախտահարում է չորս միլիոնից մեկին։ Հիվանդությունը կապակցված է միջուկային սպիտակուցներից մեկին՝ LMNA–ին վերաբերող մուտացիայի հետ։ Բացի դրանից հիվանդների ԴՆԹ-ում հայտնաբերվում են նաեւ այլ խանգարումներ, մասնավորապես վնասված են լինում ռեպարացիային՝ ԴՆԹ-ում սխալների վերացման գործընթացին մասնակցող ֆերմենտները։
Շատ հիվանդների մոտ պրոգերիայի ախտանիշները դրսեւորվում են ոչ ի ծնե՝ այլ միայն 2-3 տարեկանում։ Այդ հիվանդությունով տառապող երեխաները հաճախ ավելի շուտ են ծերանում ու հազվադեպ են ողջ մնում մինչեւ դեռահասության տարիք։ Հայտնի է դեպք, երբ հիվանդը մահացել է 45 տարեկանում ու դա առայժմ նման ախտորոշումով հիվանդի կյանքի առավելագույն գրանցված տեւողությունն է։
Աշխարհում պրոգերիայի ընդամենը հարյուր դեպք կա գրանցված։ Ոչ այնքան վաղուց հայտնի է դարձել Բանգլադեշում պրոգերիայի եւս մեկ դեպքի մասին։ Տղան հիմա 4 տարեկան է ու նա նորմայից 8 անգամ արագ է ծերանում՝ ամբողջական ատամնաշար նա ուներ արդեն 3 ամսականից, իսկ հիմա ատամներից մի քանիսն արդեն թափվել են։
Այսօրվա դրությամբ պրոգերիան անբուժելի է համարվում։
Հետևեք NEWS.am Medicine-ին Facebook-ում և Twitter-ում