Գերմանացի մասնագետի մի քանի պարզ խորհուրդները կօգնեն ինչպես գործատուին, այնպես էլ աշխատակիցներին:
Մեր ժամանակներում մարդիկ հիվանդության պատճառով տանն են մնում միայն ծայրահեղ դեպքերում՝ աշխատանքը կորցնելու վտանգի պատճառով: Սակայն խելամիտ գործատուն աշխատանքից կազատեր առաջին հերթին նման աշխատակիցներին, որոնք իրենց անպատասխանատու վերաբերմունքով վտանգ են ստեղծում ոչ միայն իրենց, այլեւ գործընկերների եւ հաճախորդների համար:
Եթե, ամեն դեպքում, հիվանդ աշխատակիցը գալիս է աշխատանքի, վարակվելուց խուսափելու գործում կօգնեն բժշկական գիտությունների դոկտոր, Արտադրական եւ գործարանային բժիշկների գերմանական միության փոխնախագահ Անետ Վալ-Վահենդորֆի խորհուրդները:
Ախտահանեք ստեղնաշարը, վարդակներն ու դռան բռնակները
Դռան բռնակները, վարդակներն ու ստեղնաշարերն ամենապահանջված մակերեւույթն են, որոնց դիպչում են ե՛ւ հիվանդները, ե՛ւ առողջները: Այստեղ ամենամեծ քանակությամբ վիրուսներն ու մանրէներն են հավաքվում:
Սենյակում ոչ շատ բարձր ջերմաստիճան պահպանեք
Սենյակային կատարյալ ջերմաստիճանը 21-22 °С է: Ավելի բարձր ջերմաստիճանի դեպքում շնչուղիների լորձաթաղանթը խոնավության պակաս է զգում եւ ավելի խոցել է դառնում վարակների առջեւ:
Անընդհատ լվացեք ձեռքերը
Ձեռքերը վարակվելու հիմնական ուղին են, այդ պատճառով հարկավոր է պարբերաբար ախտահանող միջոցներ օգտագործել: Փորձեք խուսափել ձեռքերի եւ աչքերի, բերանի, քթի շփումից, որպեսզի չտարածեք վարակը:
Հիվանդանալու դեպքում տանը մնացեք
Հիվանդ աշխատակիցը վատ օգնական է աշխատանքում: Մի վարակեք ուրիշներին եւ ուշադրություն հատկացրեք սեփական առողջությանը: Այդ դեպքում ավելի հեշտ կկազդուրվեք եւ քիչ բացասական հետեւանքներով:
Հետևեք NEWS.am Medicine-ին Facebook-ում և Twitter-ում