Պատվաստանյութերը տարեցներին ավելի վատ են պաշտպանում, քան երիտասարդներին: Այս մասին ասվում է University of Chicago-ի մասնագետների նոր հետազոտությունում: Տարեցներն, ըստ նրանց, ավելի հաճախ են գրիպով հիվանդանում եւ պատվաստումներից հետո ավելի հազվադեպ են վիրուսի նկատմամբ իմունիտետ ձեռք բերում:
Գիտնականները վերլուծել են գրիպի պատվաստում ստացած 12 տարեցների եւ 30 երիտասարդ կամավորների արյունը: Արյան նմուշներից առանձնացվել են պլազմային ծիլերը, B-բջիջներին հատուկ ենթատիպը, որը արդեն ծանոթ վիրուսների նկատմամբ հակամարմիններ է արտադրում:
Պարզվել է, որ տարեցների B-բջիջները ավելի քիչ քանակությամբ համեմատաբար թույլ հակամարմիններ են արտադրել, որոնք արձագանքել են վիրուսների լայն սպեկտրի: Իսկ երիտասարդների պլազմային ծիլերը մեծ թվով ամենատարբեր տեսակի հակամարմիններ են արտադրել, որոնք նախատեսված են վիրուսի կոնկրետ տեսակների դեմ պայքարի համար:
Այդ պատճառով պատվաստանյութերը կարող են արդյունավետ լինել երիտասարդների համար, իսկ տարեցների դեպքում դրանց արդյունավետությունը կարող է նվազել:
Հետևեք NEWS.am Medicine-ին Facebook-ում և Twitter-ում