Ամեն երրորդ պրոֆեսիոնալ եւ օլիմպիական մարզիկն ունի հոգեկան առողջության խնդիրներ: Համապատասխան հետազոտությունը հրապարակվել է British Journal of Sports Medicine պարբերականում:
Գիտնականները վերլուծել են 52 հետազոտություններ, որոնցում ընդհանուր առմամբ մասնակցել է սպորտի 71 տեսակի ներկայացուցիչ՝ թվով 13 հազար պրոֆեսիոնալ մարզիկ: Պարզ է դարձել, որ հայտնաբերված առավել մեծ տարածում ունեցող խնդիրներից են քնի խանգարումը, դեպրեսիան, տագնապայնությունը, սննդային խանգարումները, հոգեակտիվ նյութերի չարաշահումը, կախվածությունը (այդ թվում՝ մոլի խաղերից): Ընդ որում՝ դեպքերի մեծամասնությունում դեպրեսիան եւ տագնապայնությունը տրավմաների եւ ուղեղի ցնցման հետեւանք էր:
Մասնագետների կարծիքով՝ հոգեկան առողջության զարգացմանը նպաստում են ուսումնական գործընթացում մեծ պահանջները, ինչպես նաեւ սեփական արդյունավետությունը բարձրացնելու ձգտումը: Բացի այդ, սթրեսածին գործոններից են նաեւ մարզիկների էթնիկ պատկանելիությունը, ֆինանսական խնդիրներն ու սեփական կրոնական համոզմունքները թաքցնելու անհրաժեշտությունը:
Մինչդեռ մարզիկները փորձում են չհանրայնացնել հոգեկան առողջության խնդիրները՝ խուսափելով կորցնել շահավետ պայմանագիրը սպորտային թիմի կամ գովազդային ապրանքանիշի հետ:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր