Չինաստանում կնոջ կրծքագեղձի ուռուցքն աճել է մինչեւ բասկետբոլի գնդակի չափի: Երբ 47-ամյա կինը վերջապես օգնության է դիմել, նա ստիպված էր ուռուցքը ձեռքով պահել, քանի որ այնքան հսկայական ու ծանր էր, հայտնում է Foxnews-ը:
Բժիշկ Ու Ցզյանի խոսքով՝ պացիենտը փորձել է ուռուցքը «բուժել» քսուքներով եւ բուսական դեղամիջոցներով: Նա ասել է, որ կնոջը զննած վերջին բժիշկը նախազգուշացրել է, որ միակ տարբերակը վիրահատվելն է, բայց պարզ չէ, թե նա որքան երկար է սպասել բժիշկներին հերթական այցելությունները կատարելու միջակայքում:
«Եթե նրան չվիրահատեին, ուռուցքը դուրս կգար՝ ճեղքելով մաշկը»,- ասել է նա: Ուն եւ նրա թիմը ուռուցքը հեռացրել են սեպտեմբերի 25-ին 5 ժամ տեւած վիրահատության ժամանակ: Պարզել են, որ այն չարորակ է: Այդուհանդերձ, չնայած այդպիսի մեծ զանգվածի հեռացման հետ կապված ռիսկերին, կնոջ մոտ վիրահատությունից հետո լուրջ բարդություններ չեն սպասվում, հայտնում է AsiaWire-ը:
Լուսանկարը՝ AsiaWire-ի
Հետևեք NEWS.am Medicine-ին Facebook-ում և Twitter-ում