Ի՞նչ ուշագրավ իրադարձություններ են տեղի ունեցել բժշկության աշխարհում 2020 թվականի փետրվարի 16-22-ը: Ո՞ր լուրերը Դուք, գուցե, բաց եք թողել:
COVID-19 կորոնավիրուս
Հայաստանում կորոնավիրուսի դեպքեր չեն գրանցվել: Իրանում գրանցվել է 18 դեպք, որոնցից 4-ը՝ մահվան ելքով:
Հիվանդությունների վերահսկման եւ կանխարգելման չինական կենտրոնի (CCDC) գիտնականները հրապարակել են COVID-19 կորոնավիրուսի խոշորագույն հետազոտության արդյունքները. պարզ է դարձել, թե որ սեռի եւ տարիքի մարդիկ են ավելի հաճախ վարակվում:
Մյուս հետազոտողները պարզել են, որ COVID-2019 կորոնավիրուսը հատկապես վտանգավոր է օնկոլոգիական հիվանդություններ ունեցող մարդկանց շրջանում. նրանց մոտ ավելի բարձր է վարակվելու եւ բարդությունների զարգացման ռիսկը:
Հայաստանում
«Էրեբունի» ԲԿ-ում փրկվել է ծայրահեղ ծանր վիճակում գտնվող նորածնի կյանքը:
Փետրվարի 19-ին կյանքից հեռացել է հանրահայտ անեսթեզիոլոգ, բժշկական գիտությունների դոկտոր, պրոֆեսոր Արմեն Բունյաթյանը:
Մարտի 7-ին 19:00-ին Երեւանի «Արամ Խաչատրյան» համերգասրահում տեղի է ունենալու «Դու մենակ չես» բարեգործական համերգը, որի ամբողջ հասույթը տրամադրվելու է կրծքագեղձի քաղցկեղով հայուհիների բուժմանը:
Ուշագրավ դեպքեր
Ֆրանսիայից 34-ամյա կինը պատմության մեջ առաջինն է, որը ծննդաբերել է երեխա սառեցված ոչ հասուն ձվաբջիջների կիրառմամբ ԱՄԲ-ի օգնությամբ:
Սաբրինա անունով 39-ամյա կինը համաձայնվել է դառնալ փոխնակ մայր եւ երեխա լույս աշխարհ բերել իր չբեր դստեր համար:
Զութակահարուհի Դագմար Թերները ջութակ է նվագել, երբ բժիշկները վիրահատություն են անցկացրել նրա ուղեղի վրա:
Ավստրալիայից 68-ամյա Փիթեր Ուիլսոնն իմացել է իր մոտ մաշկի քաղցկեղի մասին բջջային հավելվածի շնորհիվ:
Բրազիլիայում 6-ամսական աղջիկը քիչ էր մնում մահանար հեռախոսի լիցքավորման լարը կծելու պատճառով. հոսանքի հարվածի հետեւանքով ստացած այրվածքների պատճառով նա հայտնվել է վերակենդանացման բաժանմունքում:
Հետազոտություններ
Գիտնականները պարզել են, որ կանաչ թեյը նյութ է պարունակում, որը արգելափակում է քաղցկեղի բջիջների աճի համար անհրաժեշտ ֆերմենտը:
Ֆուտբոլը կարող է վտանգավոր լինել տեսողության համար. Ինդիանայի համալսարանի գիտնականները պարզել են, որ եթե մարդը ֆուտբոլ խաղալիս գնդակը պարբերաբար հետ է մղում գլխով, նրա ուղեղում կարող են ի հայտ գալ տեսողության վրա ազդող փոփոխություններ:
CoQ10-ի օգտագործումն օգնում է նվազեցնել մաշկի ծերացման նշանները, պաշտպանել օրգանիզմը հիվանդություններից՝ կապված օքսիդատիվ սթրեսի հետ:
Կարտոֆիլի օրական օգտագործումը օրգանիզմն ապահովում է կալիումով, բջջանյութով եւ այլ օգտակար նյութերով, ինչպես պարզել են Փենսիլվանիայի համալսարանի գիտնականները։
Կանաչ թեյի էքստրակտը եւ ֆիզիկական վարժությունները կարող են նվազեցնել լյարդի ճարպային անբուժելի հիվանդության ծանրությունը 75 տոկոսով:
Հետևեք NEWS.am Medicine-ին Facebook-ում և Twitter-ում