Ամենօրյա մուլտիվիտամին ընդունելը կարող է դանդաղեցնել հիշողության կորուստը տարեց մարդկանց մոտ, ասում են ամերիկացի մասնագետները՝ հիմնվելով ավելի քան 5 հազար մարդու մասնակցությամբ երեք ուսումնասիրությունների արդյունքների վրա։
60 տարեկան և ավելի բարձր տարիքի մասնակիցները երկու տարի շարունակ ամեն օր մուլտիվիտամին կամ պլացեբո են ընդունել, հայտնում է Ամերիկայի ձայնը։
Հետազոտողները գնահատել են նրանց ճանաչողական ֆունկցիան անձամբ և թեստերի միջոցով՝ հետազոտության սկզբում և վերջում:
Բոլոր երեք ուսումնասիրությունների մետավերլուծությունը կատարելուց հետո հետազոտողները եզրակացրեցին, որ ամենօրյա մուլտիվիտամին ընդունելը բարելավում է և՛ ընդհանուր մտավոր գործառույթները՝ տրամաբանելը, ուշադրությունը և պլանավորումը, և՛ առօրյա կյանքի հիշողությունները հիշելու կարողությունը:
Այնուամենայնիվ, գիտնականները զգուշացնում են, որ մուլտիվիտամինները չեն կարող լիովին կանխել հիշողության կորուստը և խորհուրդ են տալիս մարդկանց ծերության ժամանակ հնարավորինս մտավոր և ֆիզիկապես ակտիվ մնալ:
Հետևեք NEWS.am Medicine-ին Facebook-ում և Twitter-ում