Նեղ ջինսերը այդքան անվնաս չեն, որքան կարող է թվալ: Դրանք կարող են վնաս հասցնել ոտքի նյարդերին ու մկաններին: Ավելին՝ ինչպես նշում է ֆիզիոթերապեւտ Սեմմի Մարգոն, դրանք նպաստում են ավելորդ քաշերի գոյացմանը: Նեղ ջինսերը նաեւ թաքցնում են ավելորդ կիլոգրամների ի հայտ գալը, ինչի արդյունքում մարդը չի ձգտում նիհարել: Բացի այդ՝ նեղ կոշիկները մկանները ալարկոտ են դարձնում, ինչի արդյունքում մենք եւս ավելորդ քաշ ու ճարպ ենք հավաքում:
«Նեղ ջինսերը լավ են նստում մարմնի վրա եւ լավ են նայվում, ես ինքս դրանք շատ են հավանում: Սակայն կա մեկ այլ հանգամանք եւս: Քանի որ դրանք շատ նեղ են, այդ պատճառով փաստացի փոխարինում են մկանների աշխատանքը՝ կատարելով այն ֆունկցիաները, որոնք պետք է մկանները կատարեին: Արդյունքում մկանները կարծես «անջատվում» են, ինչը բացասաբար է ազդում մեր կազմվածքի վրա», - բացատրում է մասնագետը:
Նրա խոսքով՝ նեղ ջինսերը որեւէ կապ չունեն հատուկ կոմպրեսիոն հագուստի հետ, որը շատ հաճախ մարզիկներն են կրում: Սպորտային հագուստը պատրաստված է հաշվի առնելով ոտքի կառուցվածքը, եւ այն չի սեղմում ոտքը: Իսկ ահա սովորական նեղ ջինսերը վատթարացնում են արյան շրջանառությունը եւ կարող են հանգեցնել մի շարք խնդիրների:
Հետևեք NEWS.am Medicine-ին Facebook-ում և Twitter-ում