Դուք եւ Ձեր զուգընկերը կամ զուգընկերուհին անհամբեր սպասում եք երկրորդ երեխայի լույս աշխարհ գալուն, սակայն Ձեր մեծ երեխան չի կիսում Ձեր զգացմունքները: Մասնագետները պնդում են, որ նորմալ է, երբ Ձեր առաջնեկը խանդում ու վախենում է, որ կկորցնի Ձեր ուշադրությունը: Սակայն բոլոր նմանատիպ խնդիրները հաղթահարելի են: Ահա մի քանի խորհուրդ, որոնք կարող են օգնել Ձեզ:
1. Սկսկեք նախապես
Երեխային պետք է նախապես պատրաստել եղբոր կամ քրոջ լույս աշխարհ գալուն, պատմեք նրան այն մասինլ որ ընտանիքում եւս մեկ մարդ է ավելանալու, գրքեր կարդացեք նրան այդ մասին, խնդրեք, որպեսզի օգնի երեխայի համար հագուստ ընտրել:
2. Ծանոթացրեք նրանց
Ծանոթացրեք նրանց, խորհուրդ է տալիս հոգեթերապեւտ Դիանա Լանգը: Սա պետք է առանձնահատուկ պահ լինի:
3. Նայեք խնդրին նրա աչքերով
Փոքր երեխաները ամբողջապես կախված են ծնողներից, այդ պատճառով նրանք վախենում են, որ կարող են կորցնել Ձեր ուշադրությունը եւ ամեն ինչ շատ վատ կլինի: Ըմբռնումով մոտեցեք երեխայի այս մտահոգություններին:
4. Թող նա լացի
Նորմալ է, երբ առաջնեկը լացում է, տխրում ու չի ուզում օգնել ծնողներին երեխայի խնամքի հարցում: Թողեք նրան արտահայտել իր զգացմունքները, քանի որ դա հնարավորությունը կտրամադրի ազատ արտահայտել զգացմունքները;
5. Խնդրեք օգնել
Երբ վերադառնաք տուն, խնդրեք մեծին փոխանցել տակդիրը կամ օգնել որեւէ այլ կերպ: Թող նա իրենց գործընթացի մասնակից զգա: Սակայն եթե չի ուզում օգնել, մի ստիպեք:
6. Մի շեղվեք ժամանակացույցից
Արեք այնպես, որ մեծ երեխան շարունակի ապրել այնպես, ինչպես անում էր նախքան իր եղբոր կամ քրոջ ծնվելը: Դա նրա մոտ հուսալիության ու անվտանգության զգացում կառաջացնի:
7. Զբաղացրեք նրա
Փորձեք անել այնպես, որ մեծ երեխան միշտ զբաղված լինի, հատկապես եթե Դուք ցանկանում եք ժամանակ հատկացնել փոքրին:
8. Միմյանց հետ ժամանակ ակցկացրեք
Երկրորդ երեխայի լույս աշխարհ գալուց հետո շատ դժվար է դառնում որեւէ բանի համար ժամանակ գտնել, սակայն անպայման ժամանակ հատկացրեք Ձեր առաջնեկին եւ զբաղվեք նրա հետ որեւէ բանով, քանի որ դա նրան շատ դուր կգա:
9. Սովորեցեք նրան կարեկից լինել
Հոգեբաններն ու հոգեթերապեւտները խորհուրդ են տալիս բացատրել մեխ երեխային փոքրի զգացմունքները՝ ինչու է վերջինս լացում, ժպտում: Հարցրեք մեծին, թե ինչ է, ըստ նրա, նշանակում փոքրի դեմքի արտահայտությունը: Դա կսովորեցնի նրան հասկանալ փոքրին ու մարդ տեսնել նրա մեջ:
10. Սիրեք նրա
Ցույց տվեք երեխային, որ սիրում եք նրան, համբուրեք, գրկեք, գովացեք լավ արարքների համար:
11. Մի ստիպեք նրան մեծանալ
Մի ստիպեք երեխային մեծանալ ժամանակից շուտ եւ վարվել այնպես, ինչպես նրա տարիքում սովորաբար չեն վարվում: Ժամանակ տվեք նրան:
Հետևեք NEWS.am Medicine-ին Facebook-ում և Twitter-ում