Ռոսպոտրեբնադզորը ռուսաստանցի զբոսաշրջիկներին զգուշացրել է Եվրոպայում կարմրուկի բռնկման մասին:
Գերատեսչության տվյալներով՝ անցած չորս ամիսների ընթացքում ավելի քան 4 հազար մարդ է հիվանդացել 14 երկրներում՝ Ավստրիայում, Ռումինիայում, Բուլղարիայում, Բելգիայում, Չեխիայում, Հունգարիայում, Ֆրանսիայում, Գերմանիայում, Շվեդիայում, Իտալիայում, Պորտուգալիայում, Իսլանդիայում, Իսպանիայում, Շվեյցարիայում: Մի քանի մարդ մահացել է: ՌԻԱ Նովոստիի փոխանցմամբ՝ նաեւ բուժանձնակազմի վարակվելու դեպքեր են արձանագրվել:
Կատարվածը բացատրվում է, մասնավորապես, Եվրոպական տարածաշրջանի երկրների բնակչության պատվաստման ցածր ցուցանիշով, ինչպես նաեւ «հիվանդության օջախներում սահմանափակող միջոցառումների բացակայությամբ»: Եվրոպացի մասնագետներն աշխատում են վարակի տեղայնացման ուղղությամբ, այդ թվում՝ պատվաստման օգնությամբ:
Ռոսպոտրեբնադզորը հորդորել է ուղեւորություններ ծրագրելիս հաշվի առնել Եվրոպայում համաճարակային իրադրությունը:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր