Հավանեք մեր էջը ֆեյսբուքում

 

Օրալ սեքսը սպառնում է անբուժելի գոնորեայով. նախազգուշացնում է ԱՀԿ-ը

8 հուլիսի, 2017  13:51

Առողջապահության համաշխարհային կազմակերպությունում (ԱՀԿ) մտահոգված են հակաբիոտիկների նկատմամբ այն բակտերիաների կայունությամբ, որոնք գոնորեա են հարուցում: Սա մեծապես դժվարացնում է այս տարածված հիվանդության բուժումը, որը սեռական ճանապարհով է փոխանցվում, հայտնում է ՄԱԿ-ի Նորությունների կենտրոնը:

ԱՀԿ-ի վերարտադրողական առողջության դեպարտամենտից բժիշկ Թեոդորա Վիի խոսքով` փորձագետները Ճապոնիայում, Ֆրանսիայում եւ Իսպանիայում 3 դեպք են գրանցել, երբ բժիշկները բախվել են  գոնորեայի անբուժելի ձեւի հետ: «Միանգամայն հնարավոր է, որ այս տեղեկությունները սոսկ այսբերգի գագաթն են, քանի որ ախտորոշման համակարգերը եւ անբուժելի ինֆեկցիայի դեպքերի գրանցումը հաճախ բացակայում է եկամուտների ավելի ցածր մակարդակով երկրներում, որոնց էլ հենց հատուկ է գոնորեաի մեծ տարածվածությունը»,- ընդգծել է նա:

Գոնորեան կարող է ախտահարել սեռական օրգանները, ուղիղ աղին եւ կոկորդը, եւ հատկապես վերջին հանգամանքն է առանձնապես մտահոգում առողջապահության ոլորտի փորձագետներին: Վիի պարզաբանմամբ` հակաբիոտիկները կարող են նպաստել գոնորեայի առաջացմանը կոկորդի հետին պատին:

«Երբ կոկորդի բորբոքումները բուժելու համար հակաբիոտիկներ եք օգտագործում, դրանք ձեր կոկորդի մեջ միախառնվում են Neisseria gonorrhoea-ի հետ»,- ասել է բժիշկը: Նրա խոսքով` այս պրոցեսի հետեւանքով ինֆեկցիայի դիմադրողականությունը մեծանում է:

Փորձագետները զգուշացնում են, որ օրալ սեքսի ժամանակ բարենպաստ միջավայրում հայտնված գոնորեայի բակտերիաները կարող են գերգոնորեաի հանգեցնել` ինֆեկցիայի ծանր ձեւը, որը դժվար է բուժվում:

ԱՄՆ-ում բակտերիայի մեծ դիմադրողականություն է նկատվել մի տղամարդու մոտ, որը նույնասեռական սեքսով էր զբաղվում: Պատճառը նույնն է` ինֆեկցիա կոկորդում, հավելել է Վին:

Փորձագետների կարծիքով` քանի որ ՄԻԱՎ-ով վարակվելու վախը անկում է գրանցել, մարդիկ սկսել են պահպանակներից ավելի հազվադեպ օգտվել, եւ սա նպաստում է ինֆեկցիայի տարածմանը:

«Գոնորեա հարուցող բակտերիաները անչափ ճկուն են դարձել: Ամեն անգամ, երբ այս ինֆեկցիան բուժելու համար հակաբիոտիկների նոր դաս ենք օգտագործում, բակտերիաները ընտելանում են, նրանց մոտ դեղային կայունություն է առաջանում»,- հայտարարել է ԱՀԿ ներկայացուցիչը:

Ամեն տարի 78 մլն մարդ վարակվում է գոնորեայով: Գոնորեան ախտահարում է սեռական օրգանների, ուղիղ աղիի եւ կոկորդի լորձաթաղանթը: Գոնորեայի բարդություններից անհամաչափ մեծ չափով կանայք են տառապում: Այդպիսի բարդություններից են կոնքի օրգանների բորբոքումը, արտարգանդային հղիությունը եւ անպտղությունը, ինչպես նաեւ ՄԻԱՎ-ով վարակվելու մեծ հավանականությունը:

Փորձագետները մտահոգված են, որ գոնորեան, փաստորեն, չի արձագանքում հին եւ համեմատաբար էժան հակաբիոտիկներին:

Ներկայումս երկրների մեծ մասում ազդեցության մեծ սպեկտրով ցեֆալոսպորինները հակաբիոտիկների միակ խումբն են, որոնք դեռեւս արդյունավետ են գոնորեան բուժելիս: Սակայն արդեն ավելի քան 50 երկրներում այս խմբի 2 հակաբիոտիկների` ցեֆիկսիմի եւ համեմատաբար հազվադեպ ցեֆտրիկսանոնի նկատմամբ կայունության դեպքեր են հայտնաբերվել: Այս կապակցությամբ ԱՀԿ-ը հրապարակել է 2016 թվականին թարմացված գլոբալ հրահանգները, որոնցում բժիշկներին առաջարկվում է 2 հակաբիոտիկ նշանակել` ցեֆտրիակսոն եւ ազիտրոմիցին:

Գոնորեայի դեմ դեղերի գիտական հետազոտությունները եւ մշակումները համեմատաբար ինտենսիվ չեն կատարվում: Այսօրվա դրությամբ կլինիկական մշակման տարբեր փուլերում են միայն 3 դեղեր` սոլիտրիմիցինը, որը վերջերս կլինիկական փորձարկումների 3-րդ փուլն է անցել, զոլիֆլոդացինը, որն անցել է փորձարկումների 2-րդ փուլը, եւ գեպոտիդացինը, որը նույնպես փորձարկումների 2-րդ փուլն է անցել:

 

NEWS.am Medicine

loading...
 

  • Տեսանյութեր
 
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ինչպե՞ս կարելի է իմանալ, որ մարդը ՄԻԱՎ-վարակ ունի:
1. ՄԻԱՎ-ով մարդը մշտապես հոգնածություն եւ քնկոտություն է զգում:
2. ՄԻԱՎ-ով մարդու մազերը ավելի վաղ են սպիտակում, քան մյուս մարդկանց դեպքում:
3. Եթե մարդու մոտ առկա է ՄԻԱՎ, դա նրա արտաքինից է երեւում:
4. ՄԻԱՎ-ի առկայության կամ բացակայության մասին կարելի է իմանալ միայն հատուկ անալիզ հանձնելուց հետո:
5. ՄԻԱՎ-ով տառապող մարդու մարմնին կապուտկները հեշտ են առաջանում: