• Latest news

Չինաստանում իրականացրել են 3D տպագրության օգտագործմամբ կոնքազդրային հոդի առաջին պրոթեզավորումը

27 նոյեմբերի, 2017  15:28

Ոսկրային հյուսվածքի 3D տպագրության տեխնոլոգիայի օգտագործմամբ ծնկահոդի աշխարհում առաջին վիրահատությունն իրականացվել է Չինաստանի Չունցին քաղաքում: Ինչպես հաղորդել է Չինաստանի Միջազգային ռադիոն, 84-ամյա հիվանդի համար նոր հյուսվածքները ստեղծելիս հազվագյուտ մետաղ տանտալ է օգտագործվել:

Բժիշկները հայտարարել են, որ վիրահատությունը հաջող է անցել: Տղամարդը վիրահատությունից հետո հենց առաջին օրը «նոր» ծնկով կարողացել է հիմնական շարժումները կատարել եւ, ինչպես սպասվում է, 4-5 օրից արդեն դուրս կգրվի:

Անհոյ նահանգի Բժշկական համալսարանի 1-ին հիվանդանոցը ամեն տարի ծնկահոդի փոխարինման 400-ից ավելի վիրահատություն է կատարում: Սակայն, ինչպես բժիշկներն են նշում,  հաճախ հետվիրահատական ինֆեկցիաների եւ հոդը շրջապատող ոսկրահյուսվածքի այլ բարդությունների պատճառով տարբեր թերություններ էին առաջանում: Այս պատճառով անհատական, համակարգչային դիզայնով նախագծված տանտալե իմպլանտների պատրաստումը, որը յուրատեսակ բուֆերի դեր է կատարում արհեստական հոդի եւ կենդանի հյուսվածքների միջեւ, թույլ է տվել այս խնդիրը լուծել: Տանտալն ավանդաբար օգտագործվում է  ստոմատոլոգիայում եւ վիրաբուժական իմպլանտներ պատրաստելու համար, այն գերծնականում օրգանիզմի կենդանի հյուսվածքից չի անջատվում:

3D տպագրության տեխնոլոգիան ստեղծվել է 1983 թվականին՝ ամերիկացի գյուտարար Չարլզ Հալլի հայտնագործության շնորհիվ: 1999 թվականին ԱՄՆ Ուեյք Ֆորեսթի համալսարանի Վերականգնող բժշկության ինստիտուտի գիտնականների եւ բժիշկների խումբն այն առաջին անգամ կիրառել է բժշկական պրակտիկայում. նրանք հիվանդին օրգան էին փոխպատվաստել, որն աճեցվել էր լաբորատորիայում իր՝ հիվանդի բջիջների հիման վրա:

 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է