• Latest news

Պլաստիկ ամաններում սնունդը տաքացնելը վտանգավոր է առողջության համար. գիտնականներ

11 մայիսի, 2018  10:48

Շատերը սովոր են սնունդը պահել ու տաքացնել պլաստիկ ամաններում, սակայն դա ծայրաստիճան վտանգավոր է առողջության համար, հավաստիացնում են Indira IVF Hospital-ի մասնագետները։ Բանն այն է, որ ջերմության ազդեցությամբ պլաստիկից առանձնանում են բազմաթիվ վտանգավոր նյութեր։ Սննդի հետ այդ նյութերը հայտնվում են օրգանիզմում եւ առաջացնում դիաբետ, զարկերակային ճնշման բարձրացում, ճարպակալում ու ֆերտիլության հետ կապված խնդիրներ։

Բիսֆենոլ A-ն (BPA) ու ֆտալատները պլաստիկում պարունակվող քիմիական վտանգավոր միացություններ են։ Հայտնվելով մարդու արյան հոսքի մեջ, դրանք կարող են առաջացնել անպտղություն, հորմոնալ խանգարումներ ու նույնիսկ քաղցկեղ։  Հիվանդությունների հսկողության ու կանխարգելման հարցերով ամերիկյան կենտրոնի տվյալներով՝ բնակչության 90 տոկոսի օրգանիզմում կարելի է գտնել բիսֆենոլ A-ի որոշակի մակարդակ։

Այդ նյութը, ինչպես պնդում են վերարտադրողական առողջության ամերիկյան միության հետազոտողները, նաեւ խանգարում է սաղմերի իմպլանտացիային՝ բնական բեղմնավորման, ինչպես նաեւ արտամարմնային բեղմնավորման միջամտության ժամանակ, ու օրգանիզմում BPA-ի բարձր պարունակության դեպքում զույգը կարող է անընդհատ դիմել արտամարմնային բեղմնավորման միջամտությանը, բայց ապարդյուն։ Ավելին՝ BPA-ն, գիտնականների խոսքով, կարող է նաեւ հանգեցնել կրկնվող վիժումների՝ հաջող իմպլանտացիայից հետո։

Գիտնականների խոսքով՝  սննդային պլաստիկում կան նաեւ այլ քաղցեկեղածիններ, օրինակ ՊՎԽ, դիոկսին ու ստիրոլ։  Դրանք հեշտությամբ ներթափանցում են սննդի մեջ, երբ այն տաքացվում է միկրոալիքային վառարանում։

Մասնագետները խորհուրդ են տալիս սննդամթերքը տաքացնել ապակյա սպասքի մեջ (քանի որ ապակուց քիմիական նյութերը չեն կարող ներթափանցել սննդի մեջ), իսկ պլաստիկի գործածումը կենցաղում հասցնել նվազագույնի։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է