Առողջապահության ոլորտում կոռուպցիոն դրսեւորումների մասին կարելի է հայտնել հատուկ էլեկտրոնային հասցեով    

Բոլոր ֆիզիկական եւ իրավաբանական անձինք, ովքեր առնչվել են կամ այսուհետ կառնչվեն կոռուպցիոն որեւէ դրսեւորման հետ առողջապահության նախարարության կամ դրա ենթակայության տակ գտնվող կառույցների կողմից կատարվող գնումների, մրցույթների, լիցենզավորման եւ տեսչական գործընթացների ժամանակ, կարող են հայտնել դրա մասին նախարար Արսեն Թորոսյանին [email protected] էլ-հասցեով։ Այս մասին նախարարը գրել է իր ֆեյսբուքյան էջում։

«Իմ նպատակը ԱՆ թափանցիկ եւ անխափան աշխատանքի ապահովումն է եւ դրա նկատմամբ հասարակության վստահության վերականգնումը:

Դիմումները անձամբ ուսումնասիրելուց հետո, կփոխանցեմ իրավապահ մարմիններին», - գրել է նա։

Հետևեք NEWS.am Medicine-ին Facebook-ում և Twitter-ում