• Latest news

Ըստ սարսուռի կարելի է որոշել մարդու երջանկության աստիճանը

21 սեպտեմբերի, 2018  12:15

Գիտնականները մաշկի սարսուռի ու երջանկության բարձր աստիճանի եւ կյանքի ընթացքում առողջության միջեւ կապ են հայտնաբերել:

Հարվարդից հետազոտող Մեթյու Սաքսի եւ Օքսֆորդի համալսարանից պրոֆեսոր Ռոբին Մերֆիի գլխավորությամբ ուսումնասիրությունը անցկացվել է այս ամառ Բրիտանիայի Ռեդինգ եւ Լիդս երաժշտական փառատոների ժամանակ, գրում է Independent-ը:

Գիտնականները փորձել են պարզել նրանց կյանքի աստիճանի տարբերությունները, ովքեր երաժշտություն լսելու ժամանակ մաշկի վրա սարսուռ են զգում եւ նրանց, ում ծանոթ չէ այդ վիճակը:

Նրանք գնահատել են 100 կամավորների պատասխանները, որոնք կենդանի երաժշտությամբ համերգների են այցելել, ինչպես նաեւ հատուկ մոնիտորով հետեւել են հետազոտության մասնակիցների ֆիզիոլոգիական արձագանքներին:

Արդյունքում պարզվել է, որ այն կամավորները, որոնք կենդանի երաժշտությունից սարսուռ են զգում, ավելի ամուր առողջություն, ինչպես նաեւ երջանկության ավելի բարձր աստիճան ունեն:

Հետազոտողները նշում են, որ փորձի մասնակիցների 55 տոկոսի մաշկի վրա սարսուռ է նկատվել, հիմնականում կանանց մոտ, որոնք ավելի հաճախ են զգացմունքային արձագանքում կենդանի երաժշտությանը, քան տղամարդիկ:

«Բացի այդ, մեր հետազոտության տվյալները լիովին ֆենոմենալ են եւ թույլ են տալիս որոշել այն անձանց հատկանիշները, որոնք մաշկի վրա սարսուռ են զգում: Մենք պարզել ենք, որ սարսուռը կարող է վկայել մարդու ընդհանուր բարեկեցության մասին, նրա լավ տրամադրության, կյանքի ընթացքում ամուր առողջության՝ ի տարբերություն նրանց, ում ծանոթ չէ այդ վիճակը»,- ասում է Ռոբին Մերֆին:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է