Աշխատանքի եւ ընտանիքի միջեւ կիսվելու անհրաժեշտությամբ առաջացած սթրեսը նվազեցնում է կնոջ հղիանալու հնարավորությունը: Ինչպես հայտնում է Daily Mail-ը, այսպիսի եզրահանգման են եկել Բոստոնի համալսարանից մասնագետները:
Գիտնականները մեկ տարի հետեւել են 21-45 տարեկան 4 679 կանանց եւ 21 տարեկանից մեծ 1 272 տղամարդկանց: Պարզվել է, որ սթրեսը 25 տոկոսով նվազեցրել է կանանց հղիանալու հնարավորությունը: Մինչդեռ տղամարդկանց մոտ այսպիսի փոխկապվածություն չի հայտնաբերվել:
Մասնակիցների հոգեբանական բարեկեցությունը չափվել է Սթրեսի ընկալման սանդղակով (PSS), ընդ որում՝ վեջնական միավորը որքան բարձր էր, այնքան սթրեսն ուժգին էր: 25 միավոր հավաքած կանանց հղիանալու ունակությունը 13 տոկոսով ավելի ցածր էր, քան 10 եւ ավելի քիչ միավորներ հավաքածների: Ավելի վատ արդյունքներ են հայտնաբերվել այն զույգերի մոտ, որոնցից տղամարդը հավաքել է 10 միավոր, իսկ կինը՝ 20 եւ ավելի: Մասնագետների կարծիքով՝ սա վկայում է այն մասին, որ զուգնընկերոջ հետ փոխըմբռնման բացակայությունը սթրեսը խորացնում է:
Գիտնականները ուշադրություն են դարձնում նաեւ այն հանգամանքի վրա, որ ֆերտիլության վրա սթրեսի բացասական ազդեցությունը առանձնապես արտահայտված է 35 տարեկանից փոքր կանանց մոտ:
Այլ հետազոտություններ ցույց են տվել, որ սթրեսային իրավիճակում արտադրվող կորտիզոլ հորմոնը կարող է խոչընդոտել ձվազատմանը, հետեւաբար՝ հղիանալուն: Այս դեպքում կարող է շոշափելի դրական արդյունք ունենալ կոգնիտիվ-վարքագծային թերապիան:
2017 թվականին բրիտանացի գիտնականները պարզել են, որ կանայք աշխատավայրում սթրեսից ավելի շատ են տառապում, քան տղամարդիկ: Թույլ սեռի ներկայացուցիչների մոտ այս ցուցանիշը 60 տոկոսով մեծ է (100 հազար աշխատակցին համապատասխանաբար՝ 1880 ընդդեմ 1170 դեպք):
Ըստ վիճակագրության՝ առավել դժվար տարիք է համարվում 35-44 տարեկանը, երբ կանանց մեծ մասը կարիերան համատեղում է ընտանեկան պարտականությունների հետ:
Ամենանյարդային մասնագիտությունների ցանկում են մտել բուժքրոջ, ուսուցչի, մանկաբարձի եւ սոցիալական ապահովության աշխատակցի մասնագիտությունները: Նյարդային խանգարումների տարածված պատճառներից են մեծ ծանրաբեռնվածությունը, գործընկերների աջակցության բացակայությունը, վեճերը:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր