100 000 գենոմների բրիտանական նախագիծը (100,000 Genomes Project) հասել է իր նպատակին. նախագծի շրջանակներում, որն իրականացվում է Genomics England-ի կողմից NHS England-ի գործընեկրությամբ, գիտնականները վերծանել 100 000 մարդու գենոմները: Այս մասին հայտնել է Առողջապահության ծառայության քարտուղար Մեթ Հանքոքը:
Ուսումնասիրությունում, ըստ բրիտանական ԶԼՄ-ների, ներգրավված են եղել հազվագյուտ հիվանդություններով մարդիկ, նրանց ընտանիքների անդամները եւ քաղցկեղով հիվանդները: Նախագծի շրջանակներում հազվադեպ հիվանդությամբ յուրաքանչյուր չորրորդ մասնակիցը առաջին անգամ ախտորոշում է ստացել:
Ընդհանուր առմամբ գենոմի վերծանումը վերաբերել է մոտ 85 հազար մարդու: Բայց ավելի ուշ նրանց միացել են քաղցկեղով հիվանդները եւ վերծանված գենետիկ կոդերի թիվը հասել է 100 հազարի: Ուռուցքային եւ հազվագյուտ հիվանդությունները ընտրվել էին այն պատճառով, որ շատ հաճախ դրանք կապված են հենց ԴՆԹ փոփոխությունների հետ:
Նախագծի քաղցկեղով հիվանդ մասնակիցների մոտ 50 տոկոսը գենոմի վերծանման արդյունքներով ներառվել է նոր դեղամիջոցների կլինիկական փորձարկումներոււմ կամ թիրախային թերապիա է ստացել: Երկրի բոլոր բնակիչների գենոմի վերծանումը կարող է զգալիորեն արագացնել ախտորոշումը, բուժումը եւ կատարելագործել հիվանդությունների կանխարգելման ծրագրերը: Այսօր ԴՆԹ վերծանման համար 30 րոպե է պահանջվում եւ ավելի քիչ քան 800 դոլար:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր