Հազվագյուտ հիվանդության պատճառով 11-ամյա տղայի մարմինը պատված է հսկայական խալերով:
Ալյասկայից Լուկաս Սթարը տառապում է բնածին հսկայական մելանոցիտար մազածածկ նեւուսից (GCMN): Մելանոցիտար նեւուսները նախորդում են մելանոմային: Անկախ սեռից դրանք առաջանում են նորածինների գրեթե 1 տոկոսի մոտ: Երեխայի աճին զուգընթաց այդ հատվածները հակված են մգանալ եւ հաստանալ, խալերում մազերի աճը նկատվում է 95 տոկոս դեպքերում: Հսկայական նեւուսները (ավելի քան 20սմ տրամագծով) 6-10 տոկոս դեպքերում փոխակերպվում են մելանոմայի: GCMN-ը Լուկասի մոտ հիդրոցեֆալիի (գլխուղեղի ջրգողություն) զարգացման պատճառ էր դարձել, ինչպես նաեւ նեյրոմաշկային մելանոզի, որն էլ դարձել է ուղեղի ուռուցքի առաջացման պատճառ:
Առողջական ծանր խնդիրների պատճառով, տղան արդեն 30 վիրահատություն է տարել: Բացի այդ, հիդրոցեֆալիի պատճառով, նա ստիպված է ամեն 3-6 ամիսը մեկ հիվանդանոցում բուժզննություն անցնել:
Չնայած դպրոցում ծաղրանքներին եւ անցորդների տարօրինակ հայացքներին՝ Լուկասը երազում է պրոֆեսիոնալ մրցարշավորդ դառնալ:
Երեխայի ծնողները նշում են տղայի կամքի եւ ցանկացած խոչընդոտ հաղթահարելու նրա պատրաստակամության մասին:
«Մենք հպարտանում ենք նրանով», - ընդգծել է նրա հայրը՝ Դեւոն Սթարը:
Source: The Daily Mail
Photos: Adam Gray/Barcroft Images
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր