• Latest news

Ինչո՞ւ է անքնությունն այդքան վտանգավոր եւ ե՞րբ է պետք դիմել բժշկի

21 մարտի, 2019  19:23

Ամեն երկրորդ հայ տառապում է անքնությամբ, եւ դա լուրջ խնդիր է, չէ՞ որ քնի պակասը, ինչպես պնդում է նյարդաբան եւ քնաբան Սամսոն Խաչատրյանը, կարող է հանգեցնել մի ամբողջ շարք հետեւանքների։

Առաջին հերթին, անբավարար քնի պատճառով տառապում է նյութափոխանակությունը. մեծանում է ճարպակալման վտանգը, բարձրանում է արյան մեջ խոլեստերինի մակարդակը, կարող են ի հայտ գալ հորմոնալ խախտումներ՝ բոլոր հետեւանքներով։ Ավելին, քնի պակասը մեծացնում է հիպերտոնիայի եւ սրտանոթային հիվանդությունների ռիկսը։

Լավ չքնող մարդու իմացական գործառույթները նույնպես տուժում են, ավելին՝ համաձայն որոշ հետազոտությունների՝ մեծանում է դեմենցիայի զարգացման վտանգը։

Ինչպե՞ս կարելի է կարգի բերել քունը։

Նյարդաբան Լուսինե Վադանյանը մի քանի խորհուրդ է տվել.

  • Փորձեք քնել եւ արթնանալ նույն ժամանակում, ամեն օր, նաեւ հանգստյան օրերին։
  • Փորձեք քնին հատկացնել ոչ պակաս, քան օրը 7 ժամ։
  • Փորձեք երեկոյան չխմել էներգետիկ ըմպելիքներ, այդ թվում եւ կոֆեին պարունակող. դրանց թվին են պատկանում սուրճն ու թեյը։
  • Փորձեք չընթրել ուշ երեկոյան։
  • Մի խմեք ալկոհոլային խմիչքներ քնելուց առաջ։
  • Փորձեք լինել ֆիզիկապես ակտիվ օրվա ընթացքում, բայց ոչ երեկոյան։
  • Քնելուց առաջ հեռուստացույց մի նայեք։ Ավելին, խորհուրդ չի տրվում նաեւ նայել հեռախոսի կամ համակարգչի էկրանին։ Բանն այն է, որ էկրանների լույսը վատթարացնում է քնի որակը գիշերը։
  • Եթե չի հաջողվում քնել, չարժե երկար պառկած մնալ անկողնում։ Ավելի լավ է վեր կենալ, ինչ-որ բանով զբաղվել, մինչեւ որ ցանկանաք քնել։

Մասնագետների խոսքով՝ քնի հետ կապված շատ խնդիրներ կարելի է լուծել՝ պարզապես հետեւելով այս պարզ խորհուրդներին։ Բայց եթե անքնությունն արդեն շարունակվում է որոշ ժամանակ եւ վերոնշյալ խորհուրդները չեն օգնում, ավելի լավ է չուշացնել այցը բժշկին։

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է