Քաղցր գազավորված ըմպելիքի օգտագործումը եւ վաղաժամ մահը փոխկապակցված են: Հետազոտության արդյունքներով նման եզրակացության են եկել Հարվարդի համալսարանի գիտնականները:
Նշվում է, որ արհեստականորեն քաղցրացված ըմպելիքների օգտագործումը ավելացնում է մի շարք հիվանդություններից վաղաժամ մահվան վտանգը:
Հետազոտության շրջանակում գիտնականները վերլուծել են 30 տարեկանից բարձր 37 հազար տղամարդկանց եւ 80 հազար կանանց տվյալները: Պարզվել է, որ վաղաժամ մահվան հավանականությունն ուղղակիորեն կախված է օգտագործվող գազավորված ըմպելիքի քանակից:
Այսպես, ի տարբերություն նրանց, ովքեր ամսական քաղցրացված ըմպելիքի մեկ չափաբաժնից ավելի քիչ են օգտագործում, նույն ժամանակահատվածում գազավորված ըմպելիքի 1-4 չափաբաժինը վաղաժամ մահվան վտանգը 1 տոկոսով մեծացնում է , իսկ նրանք, ովքեր 2-6 չափաբաժին են խմում՝ 6 տոկոսով:
Գազավորված ըմպելիքի մեկ չափաբաժնի ամենաօրյա օգտագործման դեպքում վտանգը հասնում է 14 տոկոսի, իսկ 2 եւ ավելի չափաբաժինների դեպքում՝ մինչեւ 21 տոկոսի:
Առավել արտահայտված կապ է նկատվում գազավորված ըմպելիքի եւ սրտանոթային հիվանդություններից վաղաժամ մահվան վտանգի միջեւ: Բացի այդ հայտնաբերվել է քաղցկեղային հիվանդությունների զարգացման «չափավոր» վտանգ:
Դիետիկ ըմպելիքները ավելի քիչ վնաս են հասցնում առողջությանը, նշում են հետազոտողները:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր