• Latest news▼

Երեւանում մեկնարկել է AIOC II Միջազգային ակնաբուժական համաժողովը

18 մայիսի, 2019  12:20

Մայիսի 18-ին Երեւանում մեկնարկել է AIOC II Հայկական Միջազգային ակնաբուժական համաժողովը:

NEWS.am Medicine-ի հետ զրույցում ԱՆ ակնաբուժության ոլորտի խորհրդատու, ակնաբույժ Արտաշես Զիլֆյանը հայտնեց, որ համաժողովին մասնակցում են ավելի քան 200 տեղացի եւ արտասահմանցի մասնագետներ: Նրա խոսքով՝ նման մասշտաբի ակնաբուժական համաժողովը հանրապետությունում առաջին անգամ է անցկացվում:

Միջոցառման շրջանակում զեկույցներով հանդես կգան ակնաբույժներ Հայաստանից, Ռուսաստանից, Բելառուից, Ուկրաինայից, Ուզբեկստանից եւ Լատվիայից: Զեկույցները մասնավորապես նվիրված կլինեն այնպիսի թեմաներին, ինչպիսիք են պոլիկլինիկայի պայմաններում կերատոկոնուսի հայտանբերումը, կատարախտի ժամանակակից որակավորումը, հիպոֆիզի ուռուցքները (պրոլակտինոմաներ), արցունքի բյուրեղագրաֆիան, Վալսալվայի ռետինոպաթիան:

Զիլֆյանը հատուկ ուշադրություն դարձրեց այն հանգամանքին, որ միջոցառման շրջանակում օնլայն ռեժիմով աչքի վիրահատություններ կանցկացվեն: Ուղիղ հեռարձակումը կիրականացվի մայրաքաղաքի «Շենգավիթ» բժշկական կենտրոնից: Փորձագետը հույս հայտնեց, որ համաժողովը կնպաստի Հայաստանում ակնաբուժության ոլորտի զարգացմանը:

AIOC II Հայկական Միջազգային ակնաբուժական համաժողովը աշխատանքը կավարտի մայիսի 19-ին:

Հետևեք NEWS.am Medicine-ին Facebook-ում և Twitter-ում

Տպել   |  На русском

 
  • Տեսանյութեր

 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել