• Latest news

Հայաստանում շարունակվում են երեխաների մոտ բույսերից թունավորման դեպքեր գրանցվել

22 մայիսի, 2019  17:32

Հայաստանում շարունակվում են գրանցվել բույսերից թունավորման դեպքեր։ Գրանցված դեպքերը հիմնականում երեխաների շրջանում են, ընդ որում ինչպես սենյակային դեկորատիվ բույսերից, այնպես էլ մոլախոտերից:

Առավել հաճախ երեխաները թունավորվում են գժախոտից, որն ունի հրապուրիչ ծաղիկներ, քաղցր համ: Գժախոտից թունավորման ժամանակ գրգռվում է կենտրոնական նյարդային համակարգը և ճնշվում ծայրամասային նյարդերը:

Թունավորման ախտանշաններն են՝ հաճախասրտություն, լորձաթաղանթների չորություն, չոր հազ, հնարավոր են նաև ցնցումներ:

Ազդեցության նախնական փուլում նկատվում է գրգռվածություն, որն արտահայտվում է չկապակցված խոսքով և առանց պատճառի ծիծաղով, ցրվածությամբ, իրար հաջորդող արգելակման և ակտիվության փուլերի կրկնությամբ: Նկատվում է նաև զառանցանք ու ցնորք: Գրգռման փուլին հաջորդում է երկարատև խորը քուն՝ ուղեկցվող վառ տեսիլքներով և երազներով: Արթնանալուց հետո տուժածներն ունենում են հիշողության բացակայություն, լուսավախություն, որը կարող է շարունակվել մի քանի օր:

Բույսերի թունավորումից զգուշանալու նպատակով անհրաժեշտ է ճանաչել մեր շրջապատում, բակերում և տնամերձ հողամասերում հաճախ հանդիպող բույսերը, կարողանալ տարբերել թունավոր բույսերը և զգուշանալ դրանցից: Հայաստանում հանդիպող թունավոր բուսատեսակներից են ընձախոտը, գնարբուկը, մորմը, ագռավաչքը, շնդեղը, հովտաշուշանը, մատնորակը և այլն:

Թունավորումներից և անցանկալի հետևանքներից խուսափելու նպատակով առողջապահության նախարարությունը խորհուրդ է տալիս.

  • թունավորման նախանշանների դեպքում (փորացավ, սրտխառնոց, ստամոքսի խանգարում, գլխապտույտ) անմիջապես դիմել բժշկի, քանի որ կան որոշ թունավոր բույսեր, որոնք բավականին արագ են ազդում օրգանիզմի վրա,
  • երեխաներին հասանելի վայրերից հեռացնել թունավոր բույսերը,
  • ճանաչել, տարբերել և զգուշանալ թունավոր բույսերից,
  • ձեռք չտալ անծանոթ բույսերի:

Հետևեք NEWS.am Medicine-ին Facebook-ում և Twitter-ում

loading...

 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել անպտուղ զույգերին օգնելու համար:
2500 դրամ
5000 դրամ
10 000 դրամից ավելի
Ոչ մի