• Latest news

Աշխարհի ամենաբարձրահասակ դեռահասը ռեկորդ է սահմանել եւ գտել իր երազանքի աշխատանքը (ֆոտո)

1 հուլիսի, 2019  23:47

ԱՄՆ Միչիգան նահանգի 22-ամյա բնակիչ Բրոկ Բրաունը վերջերս ստացել է աշխարհի ամենաբարձրահասակ դեռահասի տիտղոսը: Այսօր նրա հասակը կազմում է 2,4 մետր: Երիտասարդը ակտիվ կենսակերպ է վարում՝ չնայած բժիշկների վատատեսական կանխատեսումներին:

Ինչպես հաղորդում է The Daily Mail-ը, Բրոկի հսկայական հասակի պատճառը Սոտոսի սինդրոմն է, որն ախտորոշվել է նրա մոտ 5 տարեկանում: Տղայի համար հագուստը պատվիրում են, նա քնում է 2 մետրանոց մահճակալում: Իր մարմնի զանգվածի բարձր ինդեքսի պատճառով նրա մոտ շաքարային դիաբետ է զարգացել:

Ամեն տարի Բրոկի հասակն ավելանում էր 15 սանտիմետրով, դպրոցում նրա հասակը գերազանցում էր 180 սմ-ը: Սոտոսի սինդրոմի պատճառով նա ի ծնե մեկ երիկամ ունի: Բացի այդ, 2,4 մետր հասակը եւ 220 կգ քաշը ողնաշարի կորության եւ սրտի վրա ծանրության պատճառ են դարձել:

Երիտասարդը երազում էր սպորտային ապրանքների խանութում աշխատել, եւ վերջապես նրա երազանքը կատարվել է: Նրան խանութում ճանաչում են բոլորը, եւ հաճախորդների ավելացման համար ղեկավարությունը մտադիր է կարիերայի աճի հնարավորություն տալ նրան:

Այժմ Բրոկը հույս ունի հետագայում բացել իր սեփական ռեստորանը:    

Հետևեք NEWS.am Medicine-ին Facebook-ում և Twitter-ում

loading...

  • Այս թեմայով
 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել անպտուղ զույգերին օգնելու համար:
2500 դրամ
5000 դրամ
10 000 դրամից ավելի
Ոչ մի