• Latest news

170 կգ կշռող կնոջը շտապ օգնության մեքենայի մոտ հասցնելու համար բժիշկներին անհրաժեշտ էր հատուկ սարքավորում

7 հուլիսի, 2019  17:16

Լոնդոնի 43-ամյա բնակչուհի էլիզաբեթ Ջեքսոնը տառապում է ճարպակալմամբ եւ այդ ախտորոշումը գրեթե զրկել է նրան շտապ օգնության ծառայությունից օգտվելու հնարավորությունից:

Ինչպես հաղորդում է The Daily Mail-ը, կնոջ քաշը 170 կգ է: Ոտքերի հետ խնդիրներ ունենալու պատճառով էլիզաբեթն ուներ հիվանդանոցում հետազոտվելու կարիք, սակայն ի վիճակի չէր ինքնուրույն հասնել մինչեւ «Շտապ օգնության» մեքենան, ինչի համար անհրաժեշտ էր հրավիրել լավ մարզված չորս ֆելդշերներից կազմված թիմ, որոնց առջեւ դրված էր բարդ խնդիր՝ իջեցնել հիվանդին աստիճաններով:

Իրավիճակը բարդացնում էր հանգամանքը, որ էլիզաբեթի շենքում աստիճանը չափազանց նեղ էր, ինչի հետեւանքով դրանում չէր տեղավորվում ո′չ անվասայլակը, ո′չ հատուկ պատգարանը: Արդյունքում ֆելդշերներն օգտվել էին փրկարարական Mediwrap Heavy Duty պարկից, որը պատրաստված է 300 կգ ծանրության դիմացող գերամուր կտորից:

Դեռ ավելին, կնոջը տեղափոխող մարդիկ կատարում էին նաեւ տարբեր մանեւրեր աստիճանի վրա չընկնելու եւ վնասվածքներ չստանալու համար: Արդյունքում Էլիզաբեթին աստիճանով իջեցնելու առաջին փորձը ձախողվել էր, եւ նրանք ստիպված էին մշակել բոլոր առումներով վտանգավոր գործողությունների ծրագիր:

Բարեբախտաբար, հատուկ օպերացիան պսակվել է հաջողությամբ, եւ կնոջը բարեհաջող կերպով նստեցրել էին «Շտապ օգնության» մեքենա:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է