• Latest news

Քաղաքական իրադարձությունները կարող են լուրջ վնաս հասցնել հոգեկան առողջությանը

3 հոկտեմբերի, 2019  20:28

Քաղաքական իրադարձությունները կարող են լուրջ վնաս հասցնել հոգեկան առողջությանը: Այս մասին BMJ Case Reports ամսագրում գրում է բժիշկը, որը զբաղվել է 2016-ի բրեքզիթից հետո առաջացած սուր փսիխոզով պացիենտի բուժմամբ:

Նրա խոսքով՝ մարդիկ, որոնք արդեն իսկ հոգեբանորեն խոցելի են, ռիսկի են ենթարկվում նման հանգամանքներում, գրում է MedicalXpress-ը:

Բժիշկը նկարագրում է միջին տարիքի տղամարդու դեպքը, որին 2016-ին ԵՄ-ից Մեծ Բրիտանիայի դուրսբերման մասին հանրաքվեի արդյունքների հրապարակումից 3 շաբաթ անց հիվանդանոց էին տեղափոխել սուր փսիխոզով: Տղամարդը շփոթված է եղել, անկանոն մտքեր է արտահայտել, ձայներ լսել եւ զառանցել: Նրա մոտ խելագարություն է սկսել: Տղամարդն ասել է, որ իրեն լրտեսում են եւ փորձում են սպանել:

Նրա կինն ասել է, որ հանրաքվեի անցկացման պահից իր ամուսնու համար դժվար է եղել հասկանալ քաղաքական իրադարձությունների էությունը, բացի այդ, ամուսնուն անհանգստացրել են ռասայական պատճառներով միջադեպերը, քնի հետ կապված խնդիրներ են առաջացել: Չնայած նրան, որ բժիշկները անհանգստության եւ անքնության դեմ դեղեր են նշանակել, տղամարդու հոգեկան առողջությունը շարունակել է վատանալ այն աստիճան, որ հիվանդանոցային շտապ բուժում է պահանջվել:

Տղամարդուն տեղափոխել են հոգեբուժական բաժանմունք, որտեղ նրան բուժել են տրանկվիլիզատորով եւ օլանզապինով:

Նա լիովին առողջացել է եւ դուրս է գրվել հիվանդանոցից 2 շաբաթ անց, որից հետո նման վիճակ տղամարդու մոտ չի կրկնվել:

Հաղորդվում է նաեւ, որ նրա ընտանիքում հոգեկան հիվանդություններ ունեցողներ չեն եղել: Հանրաքվեի նախաշեմին նա ճնշվածություն է զգացել աշխատանքի վայրում եւ տանը, ինչը, հնարավոր է, ազդել է հոգեկան առողջության վատթարացման վրա:

Այդուհանդերձ, բժիշկները նշում են, որ քաղաքական իրադարձությունները կարող են հոգեբանական սթրեսի աղբյուր դառնալ: 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է