Աշխարհի ամենաթանկ համեմունքը կարող է արդյունավետ լինել դեպրեսիայի ժամանակ. հետազոտություն

Քրքումն աշխարհի ամենաթանկ համեմունքն է, այն կարող է արդյունավետ լինել դեպրեսիայի ժամանակ՝ պարզել են Մերդոկի համալսարանի մասնագետները: Իհարկե, համեմունքը պետք է համադրել հակադեպրեսանտների հետ:

Xinhua-ի հաղորդմամբ՝ քրքրումը, որն աճեցվում է հիմնականում Իրանում, կարող է վաճառվել մեկ կգ համար գրեթե 3000 ԱՄՆ դոլարով:

Հետազոտությունները ցույց են տվել, որ դեպրեսիայի ախտանիշներն ավելի քիչ արտահայտված են դառնում քրքում օգտագործող մարդկանց մոտ՝ ի տարբերություն նրանց, որոնք պլացեբո են կիրառում (41%՝ 21%-ի դիմաց):

Քրքում օգտագործող մարդկանց մոտ բարձր է նաեւ քնի որակը, նրանք ավելի նախաձեռնող, մոտիվացված են դառնում:

Իհարկե, ինքնին քրքումը՝ որպես սննդային հավելում, չի կարող բուժել դեպրեսիան՝ նշում են գիտնականները:   

Հետևեք NEWS.am Medicine-ին Facebook-ում և Twitter-ում