• Latest news

Հունվարի 1-ին քանի՞ երեխա է լույս աշխարհ եկել Երեւանում

2 հունվարի, 2020  13:29

Երեկ որոշ ընտանիքներին շնորհավորել են ոչ միայն Նոր տարվա, այլ նաեւ երեխայի լույս աշխարհ գալու կապակցությամբ: Ամանորի գիշերը եւ հունվարի 1-ին ամենաշատ նորածինները լույս աշխարհ են եկել «Էրեբունի» ԲԿ-ում. 11 աղջիկ եւ 10 տղա:

«Աստղիկ» ԲԿ-ում կեսգիշերից մինչեւ առավոտյան 09:00-ը ծնվել է 4 երեխա՝ հունվարի 1-ի ընթացքում՝ 7 երեխա:

Մոր եւ մանկան առողջության պահպանման գիտահետազոտական կենտրոնում կեսգիշերին ծնվել է 3 երեխա, եւս երեք փոքրիկ ծնվել է հունվարի 1-ի առավոտյան եւ ցերեկը: Նորածիններից 5-ը աղջիկ են, 1-ը՝ տղա:

«Սուրբ Գրիգոր Լուսավորիչ» ԲԿ-ում հունվարի 1-ին ծնվել է 4 երեխա՝ 2 տղա, 2 աղջիկ:

«Սլավմեդ» ԲԿ-ում՝ 3 երեխա:

«Քանաքեռ-Զեյթուն» ԲԿ-ում Ամանորի գիշերը ծնունդներ չեն գրանցվել. 2020-ին այս կենտրոնում առաջին երեխան ծնվել է հունվարի 2-ի լույս գիշերը:

Հետաքրքրական է, որ 2020-ի տարեմուտին երկվորյակների եւ եռյակների ծնունդ չի գրանցվել ամանորյա տոների ընթացքում:

Նշենք, որ խմբագրությանը չի հաջողվել կապ հաստատել քաղաքի մյուս ծննդատների հետ:

NEWS.am Medicine-ի խմբագրությունը շնորհավորում է նոր անդամով համալրված ընտանիքներին եւ մաղթում նորածին երեխաներին ու նրանց հարազատներին առողջություն եւ երջանկություն:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է