• Latest news

Գիտնականները հետազոտել են կորոնավիրուսի 8 շտամ

30 մարտի, 2020  12:20

Ամերիկացի գիտնականները հետազոտել են COVID-19 հիվանդություն առաջացնող նոր կորոնավիրուսի 8 շտամ: Պարզվել է, որ այս շտամների միջեւ նվազագույն տարբերություններ կան, հայտնում է Daily Mail-ը:

«Վիրուսն այնքան դանդաղ է մուտացիայի ենթարկվում, որ շտամներն իրար անչափ նման են»,- ասել է Սան Ֆրանցիսկոյում Կալիֆոռնիական համալսարանի պրոֆեսոր Չարլզ Չիուն:

Գիտնականների տվյալներով՝ նոր կորոնավիրուսը 8–10 անգամ ավելի դանդաղ է մուտացիայի ենթարկվում, քան գրիպի վիրուսները: Սա նշանակում է, որ նրա տարբեր ենթատեսակները գործնակում միատեսակ ախտանիշներ են առաջացնում, մահացության մակարդակով էլ տարբերություններ փաստացի չկան:

Հետազոտողները միեւնույն ժամանակ պարզաբանում են, որ եթե պացիենտի մոտ COVID-19-ը թեթեւ ձեւով է ընթանում կամ նույնիսկ առանց ախտանիշների, դա ամենեւին չի նշանակում, որ նա վարակված է կորոնավիրուսի «թեթեւ շտամով», քանի որ հիվանդության ընթացքը, մասնագետների խոսքով, կապված է առանձին պացիենտի իմունային համակարգի եւ նրա առողջական ընդհանուր վիճակի հետ, այլ ոչ ամենեւին  շտամի հետ, որով նա վարակված է:

Պրոֆեսոր Չիուն կորոնավիրուսի գենոմները սեքվենիրացրել է, եւ դրանց միայն 20 տոկոսն է եղել տեղական ծագման, մնացյալը կապված էին Կալիֆոռնիայի սահմաններից դուրս ուղեւորությունների հետ:

Փորձագետների խոսքով՝ նոր կորոնավիրուսի մուտացիայի դանդաղ պրոցեսը հույս է տալիս, որ պատվաստանյութը, երբ այն վերջապես մշակվի, կօգնի կորոնավիրուսից պաշտպանություն ապահովել «տարիներով կամ նույնիսկ տասնամյակներով»:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Վստահու՞մ եք արդյոք ժողովրդական բժշկությանը։
Այո, գրեթե միշտ ժողովրդական բժշկությանն եմ դիմում։
Որոշ ճիշտ բաներ ժողովրդական բժշկության մեջ երեւի կան։
Ոչ, միայն գիտահեն բժշկությանն եմ վստահում։