Կորոնավիրուսով վարակման եւ դրա պատճառով բարդությունների զարգացման ռիսկերի նվազման համար խորհուրդ է տրվում ազատվել ավելորդ քաշից, քանի որ այն ավելի լուրջ գործոն է համարվում, քան քրոնիկ հիվանդությունները։
Ինչպես հաղորդում է The Daily Mail-ը, Ինտենսիվ թերապիայի աուդիտի եւ հետազոտությունների ազգային կենտրոնի (ICNARC) վիճակագրությունը ցույց է տվել, որ COVID-19 ախտորոշմամբ բրիտանացի պացիենտների ¾-ը ավելորդ քաշ է ունեցել կամ տառապել է ճարպակալմամբ։
Բացի այդ, Նյու Յորքի համալսարանի գիտնականները պարզել են, որ ճարպակալումը կորոնավիրուսի հետեւանքով բարդությունների զարգացման ռիսկի գլխավոր գործոններից մեկն է։
Մարմնի զանգվածի վերահսկման մասնագիտացված կենտրոնի բժիշկ Մեթ Քեյփհորնը խորհուրդ է տվել իշխանություններին նախազգուշացնել հասարակությանը ավելորդ քաշի վտանգի մասին։
Իր հերթին վարակաբան Նիլ Ֆերգյուսոնը խորհուրդ է տվել մարդկանց իրենց վրա վերցնել սեփական առողջության պատասխանատվությունը։
«Մենք պետք է ինքներս մինիմալացնենք հիվանդության ռիսկերը, այդ թվում՝ քաշը նվազեցնելու եւ ֆիզիկական վիճակը բարելավելու միջոցով»,- ասել է նա։
Իսկ էնդոկրինոլոգիայի պրոֆեսոր Ռոբ Էնդրյուսը բացատրել է, որ քաշ հավաքելու դեպքում օդափոխությունը մարդու թոքերում ավելի է վատանում, եւ դա կարող է հանգեցնել ասթմայի, շաքարախտի կամ սրտանոթային հիվանդությունների։
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր