Կալիֆոռնիայի համալսարանի գիտնականները մշակել են նոր համակարգ, որը սմարթֆոնի տեսախցիկն օգտագործում է 2-րդ տիպի շաքարախտն ախտորոշելու համար:
«ՌԻԱ Նովոստի»-ի փոխանցմամբ՝ գիտնականներն օգտագործել են հեռախոսի լապտերը եւ տեսախցիկը՝ սրտի յուրաքանչյուր կրճատմանը համապատասխան մատների գույնի փոփոխությունը վերլուծելու համար: Այս մեթոդը հայտնի է որպես ֆոտոպլետիզմոգրաֆիա (ՖՊԳ): Նրանք կարծում են, որ սմարթֆոնի տեսախցիկը կարող է հայտնաբերել անոթային վնասվածքները, որոնք բնորոշ են շաքարախտին:
Հավաքվել է ՖՊԳ-ի մոտ 3 միլիոն տեսագրություն՝ Azumio Instant Heart Rate բջջային հավելվածն օգտագործող 53 870 մարդկանցից: Դրանց տեղեկատվության հիման վրա գիտնականները ստեղծել են մեքենայական վերլուծության մեխանիզմ, եւ դրանց ստեղծած ալգորիթմը պացիենտների 81%-ի մոտ ճիշտ ախտորոշել է շաքարախտը: Առողջ մարդկանց հայտնաբերելու ճշգրտությունը 92-97% է եղել:
Նման թեսթի ճշգրտությունը, ըստ գիտնականների, կարելի է մեծացնել, եթե հաշվի առնվեն նաեւ հիվանդի մասին այլ տեղեկությունները` սեռը, տարիքը, մարմնի զանգվածի ինդեքսը եւ այլն: Ախտորոշման այս մեթոդը պարզ եւ ոչ ինվազիվ է: Համակարգը մշակողներն այն ցանկանում են ներդնել որպես լայն սքրինինգի մեթոդ:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր