• Latest news

Գիտնականները կորոնավիրուսը հաղթահարելու եւս մեկ միջոց են առաջարկել

17 սեպտեմբերի, 2020  10:55

SARS-CoV-2 նոր կորոնավիրուսը չի կարող վարակել մարդու բջիջներն առանց հեպարանսուլֆատի մոլեկուլի, որը գտնվում է թոքերի բջիջների մակերեսին եւ որպես ընկալիչ է գործում կորոնավիրուսի ներթափանցման համար: Այս մասին հայտնել են Սան Դիեգոյում Կալիֆորնիայի համալսարանի գիտնականները Cell ամսագրում հրապարակված հետազոտության մեջ:

Ըստ Lenta.ru-ի` կորոնավիրուսը, ինչպես արդեն վաղուց հայտնի է, ունի S- սպիտակուցը, որը կապվում է ACE2 բջջային ընկալիչի հետ: Հեպարանսուլֆատը գործում է որպես հիմնական ընկալիչ, ինչը նշանակում է, որ վիրուսը պետք է լրացուցիչ կապվի այս մոլեկուլի հետ` բջիջը վարակելու համար:

Ինչպես պարզվել է, կորոնավիրուսով վարակման հավանականությունը 80-90 տոկոսով նվազում է, եթե հեպարանսուլֆատը հեռացվում է ֆերմենտների միջոցով: Բացի այդ, հեպարինը կարող է արդյունավետորեն որպես խայծ օգտագործվել` կորոնավիրուսը մարդկային բջիջներից հեռու կապելու համար:

Հետազոտողները կարծում են, որ ստացված արդյունքները կարող են օգնել նոր դեղամիջոցներ մշակել կորոնավիրուսի դեմ պայքարի համար: Սակայն դրա համար նախ անհրաժեշտ է հեպարինը եւ հեպարանսուլֆատի ինհիբիտորները փորձարկել SARS-CoV-2-ով վարակված կենդանիների վրա:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Վստահու՞մ եք արդյոք ժողովրդական բժշկությանը։
Այո, գրեթե միշտ ժողովրդական բժշկությանն եմ դիմում։
Որոշ ճիշտ բաներ ժողովրդական բժշկության մեջ երեւի կան։
Ոչ, միայն գիտահեն բժշկությանն եմ վստահում։