• Latest news

Տղամարդիկ 39 տոկոսով ավելի հաճախ են մահանում COVID-19-ից. հետազոտություն

11 դեկտեմբերի, 2020  13:59

SARS-CoV-2 կորոնավիրուսով վարակված տղամարդիկ երեք անգամ ավելի շատ ինտենսիվ խնամքի կարիք ունեն, քան կանայք եւ մահվան ավելի բարձր վտանգի տակ են: Այս մասին հայտնում են Քեյփթաունի համալսարանի (Հարավային Աֆրիկա) գիտնականները: Նրանց հետազոտության արդյունքները հրապարակվել են Nature Communications ամսագրում:

Փորձագետները վերլուծել են կորոնավիրուսով վարակման ավելի քան երեք միլիոն հաստատված դեպք 46 երկրից եւ ԱՄՆ 44 նահանգից 2020 թվականի հունվարի 1-ից հունիսի 1-ը: Պարզվել է, որ վարակման վտանգը կանանց եւ տղամարդկանց մոտ նույնն է, քանի որ հաստատված դեպքերի «ուղիղ կեսը» բաժին էր ընկնում արական սեռի հիվանդներին: Սակայն տղամարդիկ 39 տոկոսով ավելի հաճախ են մահացել COVID-19 կորոնավիրուսային վարակից:

Հետազոտողները ռիսկի գործոններից մեկն են համարում բնածին եւ հարմարվողական իմունային համակարգի սեռային տարբերությունները: Կանանց օրգանիզմում ավելի շատ են I տեսակի ինտերֆերոնի սպիտակուցներ արտադրվում, որոնք սահմանափակում են անբնական իմունային պատասխանը, որը հայտնի է որպես ցիտոկինային փոթորիկ եւ առանցքային դեր է խաղում ծանր բարդություններում: Ըստ մասնագետների` էստրադիոլ հորմոնն օգնում է նաեւ պայքարել վիրուսի դեմ, քանի որ այն ուժեղացնում է T-լիմֆոցիտների արձագանքը, որոնք ոչնչացնում են վարակված բջիջները, եւ մեծացնում է հակամարմինների արտադրությունը:

Սակայն չի բացառվում նաեւ, որ մահվան ռիսկը մեծացնում են նաեւ այլ հիվանդությունները, որոնք տղամարդկանց մոտ ավելի հաճախ են հանդիպում, քան կանանց մոտ, օրինակ` հիպերտոնիկ եւ շաքարային դիաբետը:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է