Կորոնավիրուսի ծանր ձեւը կարող է հանգեցնել տղամարդկանց մոտ անպտղության՝ զգուշացնում են Նովգորոդի պետական համալսարանի եւ Սանկտ Պետերբուրգի պետական մանկաբուժական բժշկական համալսարանի գիտնականները:
Իզվեստիա պարբերականի հաղորդմամբ՝ գիտնականները Ղազախստանի իրենց գործընկերների հետ համատեղ վերլուծել են 62 տղամարդկանց սպերմոգրամների արդյունքները:
Առաջին հետազոտությունն անցկացվել է փետրվար-մարտ ամիսներին, երբ մասնակիցների մոտ որեւէ շեղում չի հայտնաբերվել: Երկրորդ հետազոտությունն անցկացվել է օգոստոս-սեպտեմբերի ամիսներին: 32 կամավորների մոտ կորոնավիրուսի նկատմամբ հակամարմիններ են հայտնաբերվել, ընդ որում, նրանց մոտ միջինում 1,5-2 անգամ նվազել է սպերմատոզոիդների քանակն ու դրանց ակտիվությունը:
Ավելին, մասնակիցներից երեքի մոտ, որոնք կորոնավիրուսի ծանր ձեւ են տարել, սպերմատոզոիդներ ընդհանրապես չեն եղել: Գիտնականները դեռ պետք է հասկանան, թե արդյոք դա ժամանակավոր կամ էլ մշտական երեւույթ է:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր