Ինչպե՞ս կարող են սրտային հիվանդությունները նպաստել դեպրեսիայի եւ հետտրավմատիկ սթրեսային խանգարման առաջացմանը

Դեպրեսիվ խանգարումները, անհանգստությունը եւ նույնիսկ հետտրավմատիկ սթրեսային խանգարումը (ՀՀՍԽ) կարող են զարգանալ սրտի հիվանդություններից հետո, այդ թվում` սրտի անբավարարությունից եւ ինսուլտից հետո: Այս մասին պատմում են ԱՄՆ-ի Հիվանդությունների վերահսկման եւ կանխարգելման կենտրոնի (CDC) ամերիկացի գիտնականները։

Ինչպես գրում է Eat This! Not That!-ը, ներկայումս անհնար է բացահայտել դեպրեսիայի հիմնական պատճառները: Հետազոտողները կարծում են, որ այս խնդիրը կարող է առաջանալ կենսաբանական, բնապահպանական եւ հոգեբանական գործոնների պատճառով։

Հոգեբույժ Մարկ Փոլակը որպես դեպրեսիայի հիմնական ախտանշաններ նշել է տխրության կամ անհանգստության մշտական ​​զգացողությունը, նախկինում հաճելի զբաղմունքներից հրաժարվելը, դյուրագրգռությունը, անքնությունը, ախորժակի բացակայությունը կամ չափից շատ ուտելը, ստամոքսի ցավը, գոյացությունը կոկորդում, կենտրոնացման, հիշելու կամ որոշումներ կայացնելու հետ կապված խնդիրները, մշտական ​​հոգնածությունը, մեղքի, անարժեքության կամ անօգնականության զգացումը:

«Մարդիկ կարող են հակված լինել դեպրեսիայի մի շարք գործոնների, այդ թվում՝ ուղեղի աշխատանքի փոփոխության, ընտանիքի պատմության, կյանքի սթրեսային իրադարձությունների, անբարենպաստ սոցիալական խնդիրների պատճառով, ինչպիսիք են աղքատությունը եւ բժշկական խնդիրները»,- նշել է մասնագետը:

Հետևեք NEWS.am Medicine-ին Facebook-ում և Twitter-ում