• Latest news

Մի քանի կարեւոր փաստեր Արեւմտյան Նեղոսի տենդի մասին

16 մայիսի, 2022  17:39

Արեւմտյան Նեղոսի տենդը մարդկանց փոխանցվում է հիմնականում վարակված մոծակի խայթոցով:

Արևմտյան Նեղոսի տենդը Միացյալ Նահանգներում առաջին անգամ հայտնաբերվել է Նյու Յորքում 1999 թվականին: ԱՄՆ-ում դրանից ավելի քան 2600 մարդ է մահացել, հայտնում է CNN-ը։

Պատահական շփման միջոցով այն մարդուց մարդ չի փոխանցվում:

Հազվագյուտ դեպքերում այս հիվանդությունը կարող է փոխանցվել արյան փոխներարկման, օրգանների փոխպատվաստման, լաբորատոր պայմաններում կամ մորից երեխային:

Արեւմտյան Նեղոսի տենդի ախտանիշների թվում են հոգնածությունը, ջերմությունը, գլխացավը, մարմնի ցավերը, ցանը եւ այտուցված ավշային հանգույցները: Վարակված մարդկանց 80 տոկոսի մոտ որեւէ ախտանիշ չի նկատվում:

ԱՄՆ հիվանդությունների կանխարգելման եւ վերահսկման կենտրոնների համաձայն՝ վարակված մարդկանց մոտ 1 տոկոսի մոտ լուրջ նեյրոինվազիվ հիվանդություն է զարգանում, ինչպիսին է էնցեֆալիտը (ուղեղի բորբոքում) կամ մենինգիտը (ուղեղի եւ ողնուղեղի շուրջ պաշտպանիչ թաղանթների բորբոքում):
Այս հիվանդության համար պատվաստանյութ կամ հատուկ բուժում չկա:

Մոծակների խայթոցներից խուսափելու համար կանխարգելման ամենաարդյունավետ մեթոդը միջատներին վանող միջոցների կիրառումը եւ դրսում պաշտպանիչ հագուստ կրելն է:

Արեւմտյան Նեղոսի տենդն աշխարհում առաջին անգամ հայտնաբերվել էր 1937 թվականին Ուգանդայում։ Այս հիվանդությունը բավականին տարածված է Աֆրիկայում, Կենտրոնական Ասիայում եւ Մերձավոր Արեւելքում:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել