Հայտնի են աշխարհի ամենատարեց ամուսնական զույգի օգտակար սովորությունները

Էկվադորից մի զույգ՝ Խուլիո Սեզար Մորա Տապիան եւ Վալդրամինա Մակլովիա Կինտերոս Ռեյեսը, Գինեսի ռեկորդների գրքում ճանաչվել են 2020 թվականի աշխարհի ամենատարեց ամուսնական զույգը: Ամուսինների ընդհանուր տարիքը 214 տարեկան է. 2020 թվականին Խուլիոն դարձել է 110 տարեկան, իսկ կինը՝ 104։ Երջանիկ զույգն ամուսնության մեջ ապրել է 79 տարի։ Տապիան մահացել է  տանը տկարամտությունից, գրում է Eat This, Not That-ը։

Զույգի սիրո, հասունության եւ փոխադարձ հարգանքի «գաղտնի բանաձեւի» հետ մեկտեղ նրանք ունեին մեկ հատուկ ուտելու սովորություն, որը մեծ դեր է խաղացել նրանց ամուսնության մեջ: Գինեսի ռեկորդների գրքի համաձայն՝ զույգը կազմակերպել է մեծ ընտանեկան եւ ընկերական ընթրիքներ, որոնք համախմբել են իրենց բոլոր սիրելիներին։

Այս սովորությունը կապված է կապույտ գոտու հետ, որը հիմնված է աշխարհի ամենաերկարակյաց մարդկանց սննդակարգի եւ ապրելակերպի վրա աշխարհի 5 տարբեր մասերում: Թեեւ սննդի տեսակները եւ այն, ինչ դուք ուտում եք, դեր են խաղում մինչեւ 100 տարեկան եւ ավելի բարձր տարիքի մարդկան կյանքում, կարեւոր է նաեւ այն, թե ինչպես է մարդը ապրում:

Կապույտ գոտու ապրելակերպի մի ասպեկտը ամուր սոցիալական կապեր ունենալն է։

Աշխարհի ամենատարեց զույգի դեպքում մտերիմ ընտանիքի եւ ընկերների հետ որակյալ ժամանակ անցկացնելը նրանց կյանքի կարեւոր մասն էր: Ամուսինների դստեր՝ Աուրա Սեսիլիայի խոսքով՝ ընտանիքը միշտ վայելել է միմյանց ընկերակցությունը։ Աուրա Սեսիլիան նաեւ պատմել է Գինեսին, որ զույգը սիրում էր բույսեր տնկել եւ հավաքել:   

Այնուամենայնիվ, ամուսինների ուժեղ սերն էր, որ հաղթեց բոլոր դժվարությունները:

Հետևեք NEWS.am Medicine-ին Facebook-ում և Twitter-ում