Ցրված սկլերոզը (ՑՍ)՝ գլխուղեղի եւ ողնուղեղի քրոնիկական նյարդաբանական հիվանդություն, ամենատարածված նյարդաբանական հիվանդությունն է երիտասարդների շրջանում, գրում է Medical Xpress-ը:
ՑՍ-ի պատճառը հայտնի չէ: Այնուամենայնիվ, մասնագետները գիտեն, որ ինչ-որ բան ստիպում է իմունային համակարգին գրոհել ուղեղն ու ողնուղեղը: Իմունային համակարգը վնասում է միելինը կամ մեկուսիչ շերտը նյարդերի շուրջ, որը խանգարում է ազդանշանների փոխանցմանը ուղեղին եւ ուղեղից:
Կարեւոր է իմանալ ՑՍ-ի տարբեր ախտանիշների մասին: ՑՍ-ի ախտանիշները կարող են ներառել.
- շարժունակության խնդիրներ, ինչպիսիք են հոգնածությունը կամ թուլությունը քայլելիս, խոսելիս կամ կուլ տալու ժամանակ,
- վերջույթների ծակում կամ թմրություն,
- միզապարկի եւ աղիների դիսֆունկցիա,
- կոգնիտիվ դիսֆունկցիա,
- տրամադրության փոփոխություններ կամ դեպրեսիա,
- սեռական դիսֆունկցիա,
- սարսուռ կամ սպազմ,
- գլխապտույտ,
- տեսողության խանգարում,
- ծանր դեպքերում ՑՍ ունեցող մարդկանց մոտ կարող է կուրություն եւ/կամ կաթված լինել:
ՑՍ-ի համար հայտնի բուժում գոյություն չունի: Ուստի ախտանիշների բուժումն այս հիվանդության համար առողջ ապրելակերպի կարեւոր բաղադրիչն է: Ձեր ախտանիշների ծանրությունից կախված՝ ձեր բժիշկը կարող էստերոիդային դեղամիջոցներով, արյան փոխներարկմամբ կամ ֆիզիոթերապիայով ՑՍ-ի բուժում ընտրել:
Ահա ապրելակերպի մի քանի փոփոխություն, որոնք կարող եք անել՝ ՑՍ-ի ախտանիշները տնային պայմաններում հաղթահարելու համար:
- ՑՍ ունեցող մարդիկ ավելի շատ են հակված քնի խանգարումների: Քնի որակը բարելավելու համար փորձեք քնելուց առաջ մաքրել ձեր մտքերը, թուլացման տեխնիկա կիրառեք, հեռացրեք էլեկտրոնային սարքերը ձեր ննջարանից եւ կարգավորեք ձեր քնի ժամանակացույցը:
- Վարժություններ: Եթե ի վիճակի եք, կանոնավոր վարժությունները կօգնեն ձեզ բարձրացնել ուժը, մկանային տոնուսը, հավասարակշռությունը եւ կոորդինացիան: Լողը հիանալի տարբերակ է շոգին չդիմացողների համար։
- Աշխատեք արեւի տակ երկար չմնալ: Եթե ձեր մարմնի ջերմաստիճանը բարձրանում է, ՑՍ-ի ախտանիշները կարող են վատթարանալ:
- Հետեւք բալանսավորված սննդակարգի եւ համոզվեք, որ շատ բջջանյութ եւ ջուր եք ընդունում, որոնք կօգնեն կառավարել ՍՑ-ով պայմանավորված աղիների հետ կապված հնարավոր խնդիրները:
- Ազատվել սթրեսից: Յոգա, տայ չի, մերսում, խորը շնչառություն կամ մեդիտացիա. դրանք կարող են օգնել ազատվել սթրեսից:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր