• Latest news

Կանաչ ակնոց կրելը նվազեցնում է ցավի հետ կապված անհանգստությունը

25 հոկտեմբերի, 2022  20:38

Գիտնականները պարզել են, որ օրական մի քանի ժամ հատուկ կանաչ ակնոց կրելը նվազեցնում է ցավի հետ կապված անհանգստությունը եւ կարող է օգնել նվազեցնել օփիոիդների կարիքը՝ հիվանդների մոտ ծանր ցավը թեթեւացնելու համար: Այս եզրակացությանն են եկել անեսթեզիոլոգների ամերիկյան ասոցիացիայի գիտնականները, որոնց աշխատանքի արդյունքները հրապարակվել են  Anesthesiology 2022  համաժողովի շրջանակում։

Հետազոտությունը ցույց է տվել, որ կանաչ լույսի որոշակի ալիքի երկարություններ խթանում են ուղեղի ուղիները, որոնք օգնում են մարդկանց հաղթահարել ցավը: Հետեւաբար, կանաչ ակնոցները կարող են հեշտ օգտագործվող տարբերակ լինել հիվանդի վիճակը թեթեւացնելու համար։

Հետազոտողների կարծիքով՝ ցավն ու անհանգստությունն ունեն նմանատիպ կենսաբանական մեխանիզմներ։ Բացի այդ, ցավից վախը մեծացնում է անհանգստությունը, ինչը հաճախ հանգեցնում է օփիոիդների օգտագործման ավելացման:

Գիտնականների խոսքով՝ ակնոցները հատուկ նախագծվել են կանաչ լույսի սպեկտրում որոշակի ալիքի երկարությունը զտելու համար։ Նրանք նշել են, որ հիվանդների մեծ մասը, ովքեր կրել են դրանք, հայտնել են, որ իրենց ավելի լավ են զգում եւ շարունակում են կրել դրանք:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել