SkyNews-ի փոխանցմամբ՝ մոռացկոտությամբ ու դեպրեսիայով տառապող կնոջ ուղեղից 8 սմ երկարությամբ մակաբույծ որդ են հանել։
Հրապարակման համաձայն՝ կինը հոսպիտալացվել է 2021 թվականի հունվարին՝ երեք շաբաթ տեւած որովայնի ցավից եւ փորլուծությունից հետո, որին հաջորդել են չոր հազը եւ գիշերային քրտնարտադրությունը։ Մինչև 2022 թվականը նրա ախտանիշները զարգանում էին և ներառում էին մոռացկոտություն ու դեպրեսիա:
Նրա ուղեղի ՄՌՏ-ն ցույց է տվել, որ նրա ուղեղի ախտահարված աջ ճակատային բլթում ապրում է շարժուն հելմինթ՝ մակաբույծ կլոր որդ։
Միակ տարբերակը վիրահատությունն էր, և բժիշկները հաջողությամբ հեռացրել են 8 սմ երկարությամբ և 1 մմ տրամագծով կլոր որդը։
Հաղորդվում է, որ այս դեպքն աննախադեպ է բժշկության պատմության մեջ, քանի որ այս մակաբույծ որդը սովորաբար ապրում է Ավստրալիայի Նոր Հարավային Ուելս նահանգում ապրող գորգի պիթոնների մարսողական համակարգում:
Բժիշկները կասկածում են, որ կինը պատահաբար կուլ է տվել ճիճվի ձվերը՝ ուտելով օձի կղանքով կեղտոտված բույս:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր