Andrology. Տեստոստերոնն օրգանիզմը պաշտպանում է COVID-19-ի ծանր ընթացքից

Նոր ուսումնասիրությունը կարևոր բացահայտում է արել, ըստ որի հիվանդի տեստոստերոնի մակարդակը կարող է պաշտպանել նրան  COVID-19-ի  ծանր ընթացքից:

Ավելի վաղ Սուոնսիի համալսարանի մասնակցությամբ անցկացված ուսումնասիրությունը պարզել էր, որ սեռական հորմոնները, հավանաբար, կարևոր գործոններ են COVID-19-ի ծանրությունը որոշելու համար:

Թվերի հարաբերակցության փորձագետ, պրոֆեսոր Ջոն Մենինգը, Կիրառական սպորտի, տեխնոլոգիաների, վարժությունների և բժշկության (A-STEM) հետազոտական ​​խմբից, աշխատում է Լեհաստանի և Շվեդիայի իր գործընկերների հետ՝ այս հարցն առավել մանրամասն ուսումնասիրելու նպատակով։ 

Նա հայտնել է, որ իրենց բացահայտումները, որոնք նոր են հրապարակվել Andrology առցանց ամսագրում, կարող են զգալի նշանակություն ունենալ հանրային առողջության և բուժման ապագա մեթոդների համար:

«COVID-19-ի ծանրության աստիճանը զգալիորեն տարբերվում է տարբեր երկրների և անհատների միջև: Հիվանդության ամենածանր ձևը դիտարկվում է տարեց տղամարդկանց մոտ: Սա ենթադրություն է առաջացրել, որ տեստոստերոնը կարող է ազդել հիվանդության ծանրության վրա: Սակայն, պարզ չէ, թե տեստոստերոնը մեծացնում, թե նվազեցնում է հիվանդության ծանրությունը: Համագործակցելով Լեհաստանից և Շվեդիայից գործընկերների հետ՝ մենք ուսումնասիրել ենք տեստոստերոնից կախված մատների կառուցվածքը հոսպիտալացված հիվանդների մոտ՝ համեմատելով այն վերահսկվող խմբի հետ», - պարզաբանել է պրոֆեսոր Մենինգը:

Այս նոր հետազոտության համար գիտնականների թիմը ուսումնասիրել է ըստ մատների հարաբերական երկարության սեռական տարբերությունները հոսպիտալացված հիվանդների և վերահսկվող խմբի մոտ: Համարվում է, որ մատների հարաբերական երկարության սեռական տարբերությունները պայմանավորված են մոր արգանդում կամ սեռական հասունացման ընթացքում տեստոստերոնի և/կամ էստրոգենի ազդեցությունից: Ենթադրվում է, որ երկար ցուցամատերը կապված են տեստոստերոնի ցածր/էստրոգենի բարձր, իսկ երկար ճկույթները՝ տեստոստերոնի բարձր/էստրոգենի ցածր պարունակության հետ:

Լեհաստանի Լոձի բժշկական համալսարանում անցկացված հետազոտության ընթացքում  ուսումնասիրվել է պատվաստումից առաջ և հետո վերցված երկու նմուշ: Երկու նմուշներում էլ հոսպիտալացված հիվանդներն ունեին կարճ ճկույթներ՝ համեմատած վերահսկվող խմբի մասնակիցների հետ:

«Հիվանդ կանանց մոտ դիտարկվել է թվերի այնպիսի հարաբերակցություն, որը մատնանշել է տեստոստերոնի ցածր մակարդակ ծննդաբերությունից առաջ և հետո: Այս օրինաչափությունը նկատվել է համավարակի սկզբում և համատարած պատվաստումներից հետո։ Սա նշանակում է, որ մենք կարող ենք եզրակացնել, որ տեստոստերոնը պաշտպանում է COVID-19-ի ծանր ձևից։ Սա կարող է պայմանավորված լինել նրանով, որ հորմոնը նվազեցնում է թոքերում և այլ օրգաններում բորբոքումները»,- եզրափակել է պրոֆեսորը։

Հետևեք NEWS.am Medicine-ին Facebook-ում և Twitter-ում