Ֆերմենտացված մթերքները կարող են նվազեցնել բազմաթիվ հիվանդությունների ռիսկը. Frontiers

9 սեպտեմբերի, 2024 12:24

Ֆերմենտացված մթերքները ոչ միայն օգտակար են մարդու առողջության, այլև շրջակա միջավայրի համար, ինչպես նաև կարող են մեղմել մոլորակի սովի խնդիրը։ Այս մասին հայտնում են Frontiers in Nutrition ամսագրում հրապարակված ակնարկային հոդվածի հեղինակները։

Հրապարակման հեղինակները նշել են, որ ֆերմենտացված մթերքները կարող են օգնել պահպանել մարդու միկրոբիոմի՝ օրգանիզմի միկրոբների համայնքի առողջությունը։ Որոշ ապացույցներ ցույց են տալիս, որ դրանք կարող են նվազեցնել սնկային և բակտերիալ վարակների վտանգը կանանց վերարտադրողական համակարգում: Ֆերմենտացված մթերքներից Bifidobacterium և Lactobacillus բակտերիաները կապված են աղիների լավ առողջության հետ, ինչն ուղղակիորեն ազդում է ուղեղի առողջության վրա:

Հավանական է, որ ֆերմենտացված մթերքները կարող են բարելավել ինսուլինի նկատմամբ զգայունությունը՝ դրանով իսկ նվազեցնելով շաքարախտի վտանգը: Հնարավոր է նաև, որ դրանք կարող են նվազեցնել սրտանոթային հիվանդությունների վտանգը՝ խոլեստերինի վրա իրենց ազդեցության շնորհիվ: Ֆերմենտացման գործընթացը կարող է մեծացնել կալցիումի և երկաթի կլանումը, ինչը կարևոր է համապատասխանաբար օստեոպորոզով կամ սակավարյունությամբ տառապող մարդկանց համար:

Իրենց երկար պահպանման և սննդային արժեքի շնորհիվ ֆերմենտացված մթերքները կարող են մեղմել աղքատ երկրների մարդկանց սննդային անբավարարության խնդիրը: Ուստի կարևոր է պահպանել կիմչի, կումիս, դոենջանգ մածուկ և այլ էթնիկ խմորված մթերքներ ուտելու ավանդույթները: Հեղինակները բացատրում են, որ ուրբանիզացիան և ուտելու սովորությունների փոփոխությունը վտանգի տակ են դնում դրանք:

Գիտնականները նախատեսում են գնահատել ֆերմենտացված մթերքների օգուտների յուրաքանչյուր ասպեկտ՝ որպես եվրոպական PIMENTO նախագծի մի մաս: Այն ապահովում է, որ ֆերմենտացված մթերքների օգուտները հիմնված են հիմնավոր գիտական ապացույցներով:

Հետևեք NEWS.am Medicine-ին Facebook-ում և Twitter-ում