Պատրաստի կերակուրների օգտագործումը բարձրացնում է մահացու ինֆարկտի եւ ինսուլտի վտանգը. The Lancet

Վերամշակված եւ պատրաստի մթերքների օգտագործումը մեծացնում է սրտի կաթվածից, ինսուլտից եւ Պարկինսոնի հիվանդությունից մահվան վտանգը։ Հետազոտության արդյունքները հրապարակվել են The Lancet Regional Health - Europe ամսագրում:

Հետազոտությանը մասնակցել է 35-74 տարեկան 400 հազար մարդ։ Գիտնականները կենտրոնացել են մասնակիցների սննդակարգի եւ նրանց կողմից օգտագործվող վերամշակված մթերքների (UPF) քանակի վերլուծության վրա: Այս կարգը ներառում է պատրաստի սնունդ, ֆասթֆուդ, նախուտեստներ եւ քաղցր ըմպելիքներ:

16-ամյա դիտումները ցույց են տվել, որ վերամշակված մթերքներ եւ ճարպեր, շաքար եւ հավելումներ պարունակող այլ մթերքների առատ սպառողները 25 տոկոսով ավելի շատ են ենթակա Պարկինսոնի հիվանդությունից մահանալուն: Անբավարար սնունդ ուտողները նույնպես մոտ 10 տոկոսով գոյատեւելու ավելի քիչ շանսեր ունեն ինսուլտից կամ սրտի նոպայից:

Բացի այդ, լրացուցիչ պարզվել է, որ մեծ քանակությամբ ուլտրամշակված սննդի օգտագործումը 4 տոկոսով մեծացնում է վաղաժամ մահվան ընդհանուր ռիսկը։

Գիտնականները բացատրել են, որ պատրաստի սնունդը, ֆասթֆուդը, խանութից գնված տորթերը, թխվածքաբլիթները եւ երշիկները սովորաբար ենթարկվում են արդյունաբերական վերամշակման մի քանի փուլերի, որոնք փոխում են սննդի հումքի սկզբնական ֆիզիկական կառուցվածքը եւ մեծացնում օրգանիզմի կողմից այդպիսի արտադրանքի յուրացման արագությունը:

Դրանց օգտագործումը բարձրացնում է արյան մեջ շաքարի մակարդակը, խանգարում է արդյունավետ կշտանալուն եւ վնասում է աղիների միկրոբիոմին՝ «բարեկամ» մանրէներին, որոնք օգնում են մարդու առողջությանը:

Սննդային հավելումները՝ քաղցրացուցիչները, մոդիֆիկացված օսլան, խտացուցիչները եւ էմուլգատորները, նույնպես կապված են աղիների բորբոքման եւ հորմոնալ ռեակցիաների հետ, որոնք կարող են մեծացնել սրտի կաթվածի եւ ինսուլտի վտանգը:

Հետևեք NEWS.am Medicine-ին Facebook-ում և Twitter-ում