Գիտնականներն առաջընթաց են գրանցել Էբոլա մահացու տենդի բուժման գործում

Տեխասի համալսարանի ամերիկացի գիտնականները բեկում են գրանցել Էբոլայի դեմ պայքարում։ Նրանք առաջինն էին, որ հաջողությամբ ազատել են կապիկներին այդ հիվանդությունից՝ օգտագործելով օբելդեսիվիր կոչվող խմելու դեղամիջոցը: Հետազոտությունը հրապարակվել է Science Advances (SciAdv) գիտական ​​ամսագրում։

Էբոլա տենդը մահացու վիրուսային հիվանդություն է, որն առաջին անգամ հայտնաբերվել է 1976թ.: Այն փոխանցվում է օրգանիզմի հեղուկների հետ անմիջական շփման միջոցով եւ առաջացնում է ուժեղ արյունահոսություն, օրգանների կանգ եւ բարձր մահացություն: Չնայած գոյություն ունեն պատվաստանյութեր եւ ներերակային բուժման մեթոդ, դրանց կիրառումը սահմանափակ է բարձր գնի, սառնարանում պահեստավորման անհրաժեշտության եւ աղքատ տարածաշրջաններում օգտագործման դժվարությունների պատճառով:

Օբելդեսիվիրը ռեմդեսիվիր դեղամիջոցի հաբային ձեւն է, որը սկզբում մշակվել է COVID-19-ի բուժման համար: Այն արգելափակում է վիրուսի բազմապատկման համար անհրաժեշտ ֆերմենտը եւ ունի լայն սպեկտր՝ այն արդյունավետ դարձնելով Էբոլայի տարբեր շտամների դեմ:

Թիմը թեստեր է կատարել մարդուն մոտ մակակա-ռեզուսների եւ յավանյան մակակաների վրա: Օբելդեսիվիրի հաբերն ապահովել են 100 տոկոս գոյատեւում առաջին տեսակի կապիկների եւ 80 տոկոս՝ երկրորդ տեսակի պրիմատների մոտ:

Դեղամիջոցը ոչ միայն մաքրել է արյունը վիրուսից, այլ նաեւ օգնել զարգացնել իմունային պատասխան՝ խուսափելով օրգանների վնասումից, նշել են մասնագետները:

Հետևեք NEWS.am Medicine-ին Facebook-ում և Twitter-ում