ԱՄՆ-ում հավանություն են տվել Moderna-ի նոր սերնդի պատվաստանյութին COVID-19-ի դեմ

ԱՄՆ մթերքների եւ դեղերի վերահսկման վարչությունը (FDA) հավանություն է տվել Moderna-ի նոր սերնդի COVID-19 պատվաստանյութին 65 եւ ավելի բարձր տարիքի մարդկանց համար, հայտնել է Reuters-ը՝ հղում կատարելով ընկերության հայտարարությանը։

Պատվաստանյութը նաեւ հավանության է արժանացել 12-64 տարեկան մարդկանց համար, ովքեր ունեն առնվազն մեկ կամ մի քանի հիմնական ռիսկի գործոն, նշվել է Moderna-ի հայտարարությունում:

Moderna ընկերությունը հայտնել է, որ ակնկալում է, որ պատվաստանյութը, որը կոչվում է mNEXSPIKE, հասանելի կլինի 2025-2026թթ. շնչառական վիրուսների սեզոնի համար:

Moderna-ի պատվաստանյութը՝ mNEXSPIKE ապրանքանիշը, կարող է պահվել սառնարաններում, այլ ոչ թե սառցարաններում, ինչը ենթադրում է ավելի երկար պահպանման ժամկետ եւ ավելի հեշտ բաշխում, հատկապես զարգացող երկրներում, որտեղ մատակարարման շղթայի խնդիրները կարող են խանգարել պատվաստումների ջանքերին:

Սննդամթերքների եւ դեղերի վերահսկման վարչությունը մայիսի 20-ին հայտարարել է, որ նախատեսում է պահանջել դեղարտադրողներից իրենց պատվաստանյութերը փորձարկել իներտ պլացեբոյի դեմ մինչեւ 65 տարեկան առողջ մեծահասակների մոտ՝ հավանություն ստանալու համար, արդյունավետորեն սահմանափակելով դրանց օգտագործումը տարեցների եւ ծանր հիվանդության վտանգի տակ գտնվողների համար:

Հետևեք NEWS.am Medicine-ին Facebook-ում և Twitter-ում