Ինչո՞ւ են ականջները խցանվում թռիչքի ժամանակ և ինչպե՞ս կարելի է լուծել այս խնդիրը

Հայտնի է, որ մարդու ականջը բաղկացած է երեք մասից՝

արտաքին ականջ,

միջին ականջ,

ներքին ականջ։

Արտաքին ականջը ներառում է տեսանելի ականջաբլթակը և լսողական ապարատը։ Թմբկաթաղանթն առանձնացնում է արտաքին ականջը օդով լցված միջին ականջից, որը ներառում է երեք մանր ոսկրիկներ և եվստախյան փողը՝ նեղ անցուղի, որը միացնում է միջին ականջը կոկորդի վերին մասին կամ քթըմպանին։ Ներքին ականջում գտնվում են խխունջիկը՝ մեր լսողության օրգանը և վեստիբուլյար ապարատը, որը պատասխանատու է հավասարակշռության համար։

Թռիչքի ժամանակ ականջների խցանումն առաջանում է Եվստախյան փողից։ Պրոֆեսոր Գաֆնիի խոսքով՝ Եվստախյան փողի ամբողջ աշխատանքը կայանում է նրանում, որ այն պետք է հավասարաչափ ճնշում պահպանի ականջի արտաքին և միջին հատվածների միջև։

Միջին ականջի և արտաքին միջավայրի միջև օդի ճնշման հավասարակշռությունը կարևորագույն նշանակություն ունի մեր ականջների ճիշտ գործելու համար։ Երբ միջին ականջի ճնշումն ավելի ցածր է, քան արտաքին օդի ճնշումը՝ կարող է առաջանալ բացասական ճնշում։ Այն կարող է թմբկաթաղանթը ներս քաշել՝ նվազեցնելով դրա թրթռալու ունակությունը և մեր լսողությունը դարձնել խուլ։ Սա շարունակվում է այնքան ժամանակ, մինչև ճնշումները հավասարվեն։

Հայտնի է, որ առօրյա կյանքում մեր Եվստախյան փողը կարճ ժամանակով բացվում է, երբ մենք՝

կուլ ենք տալիս,

հորանջում ենք,

խոսում ենք։

Այս ամենը օգնում է փոխհատուցել օդի ճնշման փոքր փոփոխությունները։ Սակայն թռիչքի, ջրի տակ սուզվելու և լեռ բարձրանալու ժամանակ բարձրության արագ փոփոխությունը այլ բան է։ Այս փոփոխությունները կարող են հանգեցնել զգալի փոփոխությունների, քանի որ օդի արտաքին ճնշումը ավելի արագ է փոխվում, քան միջին ականջի ներսի ճնշումը։ Այդ պահին եվստախյան փողը արձագանքում է և բացվում՝ ճնշումը հավասարեցնելու համար։

Պրոֆեսոր Գաֆնիի խոսքով՝ կան մի շարք ապացուցված եղանակներ՝ թռիչքի ժամանակ արյան ճնշումը վերահսկելու և Եվստախյան փողը բացելու համար։ Դրանք ներառում են.

Մանուկների համար կարող է օգնել կրծքի կերակրումը և ծծակը

Ավելի մեծ երեխաների և մեծահասակների համար՝ մաստակ ծամելը, քաղցրավենիք ծծելը և դիտավորյալ հորանջելը։

Կարելի է նաև օգտագործել այսպես կոչված Վալսալվայի հնարքը։ Դրա համար անհրաժեշտ է շունչ քաշել, բերանը փակել, քիթը բռնել և զգուշորեն փռշտալ։ Բացի այդ, փորձագետները նշում են, որ կան առանց դեղատոմսի դեղամիջոցներ, որոնք նույնպես կարող են հեշտացնել թռիչքը։

Հետևեք NEWS.am Medicine-ին Facebook-ում և Twitter-ում